തിരുവനന്തപുരം: സംസ്ഥാന ന്യൂനപക്ഷക്ഷേമ വകുപ്പിന്റെ കീഴിൽ ന്യൂനപക്ഷ വിഭാഗങ്ങളിൽപെട്ട യുവതീയുവാക്കൾക്ക് പ്രീമാരിറ്റൽ കൗൺസലിംഗ് ക്ലാസെടുക്കുന്നതിന് ഫാക്കൽറ്റികളുടെ അപേക്ഷ ക്ഷണിച്ചു.
കൗൺസലിംഗ്/സോഷ്യൽ വർക്ക്/മനഃശാസ്ത്ര മേഖലകളിൽ പ്രാവീണ്യവും പരിചയവുമുള്ളവർക്ക് അപേക്ഷിക്കാം.
സൈക്കോളജി, സോഷ്യോളജി, എം.എസ്.ഡബ്ല്യു, ലീഗൽ സ്റ്റഡീസ്, ഹെൽത്ത് സയൻസ്, മാനേജ്മെന്റ് (എച്ച്.ആർ) വിഷയങ്ങളിൽ ബിരുദാനന്തര ബിരുദം നേടിയിട്ടുള്ളവർക്ക് മുൻഗണന. നിശ്ചിത മാതൃകയിലുള്ള അപേക്ഷാ ഫോം 20ന് വൈകിട്ട് അഞ്ചിന് മുമ്പ് po.project.mwd@gmail.com ലേക്ക് അയയ്ക്കണം. ഫോൺ: 04712300523, 2302090.
ഡി.സി.എഫ്.എ. പരീക്ഷാ ടൈംടേബിളായി
തിരുവനന്തപുരം: ഐ.എച്ച്.ആർ.ഡി. നടത്തുന്ന ഡിപ്ലോമ ഇൻ കമ്പ്യൂട്ടറൈസ്ഡ് ഫിനാൻഷ്യൽ അക്കൗണ്ടിംഗ് കോഴ്സിന്റെ സെമസ്റ്റർ പരീക്ഷ (2020 സ്കീം) ജനുവരി അവസാന വാരം കൊവിഡ് മാനദണ്ഡം പാലിച്ച് നടക്കും. പരീക്ഷാ ടൈംടേബിൾ www.ihrd.ac.in വെബ്സൈറ്റിൽ ലഭിക്കും.