തിരുവനന്തപുരം: പിന്നാക്ക സമുദായങ്ങൾക്ക് അർഹമായ പ്രാതിനിദ്ധ്യം ലഭിച്ചിട്ടുണ്ടോയെന്ന് പരിശോധന നടത്തിയിട്ടില്ലെന്ന് മുഖ്യമന്ത്രി പിണറായി വിജയൻ നിയമസഭയെ അറിയിച്ചു. സംവരണം അടക്കമുള്ള വിവരങ്ങൾ പരിശോധിക്കുന്നതിന് ഇ- കാസ്റ്റ് ഡേറ്റാ ബേസ് ഓഫ് എംപ്ലോയീസ് ഇൻ സർവീസ് കേരള എന്ന പേരിൽ ഒരു വെബ് പോർട്ടൽ ആരംഭിച്ചിട്ടുണ്ട്. 99 സർക്കാർ വകുപ്പുകളിലെ 96.26 ശതമാനം ജീവനക്കാരുടെ വിവരങ്ങളും ഇതിൽ ചേർത്തിട്ടുണ്ട്. ഇത് പൂർത്തിയാകുന്ന മുറയ്ക്ക് സംവരണം സംബന്ധിച്ചുള്ള പൂർണമായ വിവരങ്ങൾ ലഭ്യമാകുമെന്ന് അദ്ദേഹം പറഞ്ഞു.