കല്ലറ:വീടൊരു ഗോകുലമാക്കിയ റാങ്കുകാരിയായ ക്ഷീര കർഷകയുടെ പ്രിയ ഗോക്കളെയും ഗോകുലവും കാണാൻ എം.പി എത്തി.എം.പി അടൂർ പ്രകാശാണ് എം.എസ്.സി കെമിസ്ട്രി ഒന്നാം റാങ്ക് നേടിയ ക്ഷീരകർഷക കൂടിയായ ലക്ഷ്മിയെ കാണാനെത്തിയത്.നൂറുൽ ഇസ്ലാം യൂണിവേഴ്സിറ്റി യിൽ നിന്ന് എം.എസ്.സി കെമിസ്ട്രി ഒന്നാം റാങ്ക് നേടിയ കല്ലറ വാഴത്തോപ്പുപച്ച ലക്‌ഷ്മി വിലാസത്തിൽ മോഹനൻ - ലിജ ദമ്പതികളുടെ മകൾ ലക്ഷ്മിയെ കുറിച്ച് ഇക്കഴിഞ്ഞ 18ന് കേരള കൗമുദി പ്രസിദ്ധീകരിച്ചിരുന്നു.വാർത്ത കണ്ടാണ് അടൂർപ്രകാശ് വ്യാഴാഴ്ച വൈകിട്ട് ലക്ഷ്മിയുടെ വീട്ടിലെത്തി പൊന്നാടയണിയിച്ച് അഭിനന്ദിച്ചത്. ഉപഹാരവും കൈമാറി. കോൺഗ്രസ്‌ ബ്ലോക്ക്‌ ജനറൽ സെക്രട്ടറി ബിജുലാൽ പെരുമ്പേലി, പദ്മേഷ്, ബേബി പിള്ള, സജിൻ, ഷാൻ, ഷാഹിൻ തുടങ്ങിയവരും എം.പിക്ക് ഒപ്പമുണ്ടായിരുന്നു.