കടയ്ക്കാവൂർ: കടയ്ക്കാവൂർ പോക്സോ കേസിൽ താൻ നിരപരാധിയാണെന്നും ഭർത്താവും രണ്ടാം ഭാര്യയും കെട്ടിച്ചമച്ച കേസാണിതെന്നും ആരോപണവിധേയയായ മാതാവ് പ​റ​ഞ്ഞു. മ​ക​നെ ഭീ​ഷ​ണി​പ്പെ​ടു​ത്തി​യാ​ണ് ലൈം​ഗി​കാ​രോ​പ​ണം ഉ​ന്ന​യി​ച്ച​ത്. ഭ​ർത്താ​വി​നെ​തി​രെ വി​വാ​ഹ​മോ​ച​ന കേ​സ് ന​ൽ​കി​യി​രു​ന്നു. അ​തി​ന്റെ വൈ​രാ​ഗ്യ​മാ​ണ് കേ​സി​നാ​ധാ​ര​മെ​ന്നും ജാമ്യത്തിലിറങ്ങിയ യു​വ​തി മാ​ധ്യ​മ​ങ്ങ​ളോ​ട് പ​റ​ഞ്ഞു. പൊ​ലീ​സി​ൽ​നി​ന്നും മോ​ശം അ​നു​ഭ​വം ഉ​ണ്ടാ​യി​ട്ടി​ല്ല. മ​ക​ൻ പ​രാ​തി നൽ​കി​യി​ട്ടു​ണ്ടെ​ന്നും മൊ​ഴി​യെ​ടു​ക്കാ​നാ​ണെ​ന്നും പ​റ​ഞ്ഞാ​ണ് പൊലീ​സ് ജോ​ലി സ്ഥ​ല​ത്തു​നി​ന്ന് വി​ളി​ച്ചു​കൊ​ണ്ടു​പോ​യ​ത്. അ​വി​ടെ​യെ​ത്തി​യ​പ്പോ​ഴാ​ണ് അ​റ​സ്റ്റ് രേ​ഖ​പ്പെ​ടു​ത്തി​യ​ത്. ത​നി​ക്കൊ​പ്പം നി​ൽ​ക്കു​ന്ന മ​ക​നെ കൊണ്ടുപോകാൻ ഭർത്താ​വ് ശ്രമിച്ചിരു​ന്നു. അ​വൻ പോ​കാ​ൻ ത​യ്യാ​റാ​യി​ല്ല. എ​ന്തു​വി​ല കൊ​ടു​ത്തും ത​ന്നെ ജ​യിലിലാ​ക്കി മ​ക​നെ തി​രി​ച്ചു​കൊ​ണ്ടു​പോ​കു​മെ​ന്ന് ഭർ​ത്താ​വ് ഭീഷണിപ്പെടുത്തിയി​രു​ന്നു. മകനേയും ഭീ​ഷ​ണി​പ്പെ​ടു​ത്തി​. ഹൈക്കോടതിയുടെ നിർദ്ദേശാനുസരണം നടത്തുന്ന കേസ് അന്വേഷണത്തിൽ നിരപരാധിത്വം തെളിയുമെന്നും, മകനെ കാണാൻ ആഗ്രഹമുണ്ടെന്നും യുവതി പറഞ്ഞു.