നടൻ അനൂപ് മേനോൻ ആദ്യമായി നിർമ്മിക്കുന്ന ചിത്രമാണ് 'പത്മ'. പത്മ എന്ന കേന്ദ്ര കഥാപാത്രത്തെ അവതരിപ്പിക്കുന്നത് ആരാണെന്ന് പ്രഖ്യാപന വേളയിൽ വെളിപ്പെടുത്തിയിരുന്നില്ല. എന്നാലിപ്പോൾ താരം തന്നെ അക്കാര്യം വെളിപ്പെടുത്തുകയാണ്. ദേശീയ അവാർഡ് ജേതാവ് സുരഭി ലക്ഷ്മിയാണ് 'പത്മ' എന്ന കഥാപാത്രത്തെ അവതരിപ്പിക്കുന്നത്. ഒരു വലിയ നഗരത്തിന്റെ പശ്ചാത്തലത്തിൽ കഥ പറയുന്ന 'പത്മ'യിലെ നായകനെ അനൂപ് മേനോൻ അവതരിപ്പിക്കുന്നു. കഥ, തിരക്കഥ, സംഭാഷണമെഴുതി സംവിധാനം ചെയ്യുന്നതും അനൂപ് മേനോൻ തന്നെയാണ്. അനൂപ് മേനോൻ സ്‌റ്റോറീസിന്റെ ബാനറിൽ അനൂപ് മേനോൻ നിർമ്മിക്കുന്ന ചിത്രത്തിൽ ശങ്കർ രാമകൃഷ്ണൻ, മെറീന മൈക്കിൾ എന്നിവരാണ് മറ്റു താരങ്ങൾ. ബാക്കി ഇരുപതോളം പേരും പുതുമുഖങ്ങളാണ്. മഹാദേവൻതമ്പി ഛായാഗ്രഹണം നിർവ്വഹിക്കുന്നു. പ്രൊഡക്ഷൻ ഡിസൈനർ ബാദുഷ, കല ദുൻദു രഞ്ജീവ്, എഡിറ്റർ: സിയാൻ, പ്രൊഡക്ഷൻ കൺട്രോളർ: അനിൽ.ജി, ഡിസൈൻ: ആന്റണി സ്റ്റീഫൻ, പി.ആർ.ഒ: പി.ശിവപ്രസാദ്‌.