നെറ്റ്ഫ്ളിക്സിന്റെ ആദ്യ തെലുങ്ക് ആന്തോളജി ചിത്രമായ “പിട്ട കാതലു” വിന്റെ ടീസർ എത്തി. ആർ.എസ്.വി.പി മൂവീസ്, ഫ്ളയിംഗ് യുണികോൺ എന്റെർറ്റൈന്മെന്റ്സ് എന്നി പ്രൊഡക്ഷൻ ഹൗസുകളുടെ ബാനറിൽ നിർമ്മിക്കുന്ന ചിത്രമാണ് ‘പിട്ട കാതലു’ എന്നാണ് പേരിട്ടിരിക്കുന്നത്. നാല് സ്ത്രീകളുടെ പ്രണയവും വിരഹ യാത്രകളുടെ കഥ പറയുന്ന ‘പിട്ട കാതലു’ സംവിധാനം ചെയ്തത് നാഗ് അശ്വിൻ, നന്ദിനി റെഡ്‌ഡി, സങ്കല്പ റെഡ്ഡി, തരുൺ ഭാസ്കർ എന്നിവർ ചേർന്നാണ്.

അമലാപോൾ, അശ്വിൻ കാകമനു, ഈഷ റബ്ബ, ജഗപതി ബാബു, ലക്ഷ്മി മഞ്ചു, സാൻവെ മേഘ്ന, സഞ്ചിത ഹെഡ്ജ്, ശ്രുതി ഹാസൻ എന്നിവർ പ്രധാന വേഷങ്ങളിൽ എത്തുന്നു‌. പ്രണയം, ലൈംഗികത, റിലേഷൻഷിപ്പ് എന്നീ വിഷയങ്ങൾ കൈകാര്യം ചെയ്യുന്ന ചിത്രം ഫെബ്രുവരി 19ന് നെറ്റ്ഫ്ലിക്സിൽ റിലീസ് ചെയ്യും. യൂട്യൂബിൽ റിലീസ് ചെയ്ത ചിത്രത്തിന്റെ ടീസർ ഇതിനോടകം സോഷ്യൽ മീഡിയയിൽ വൈറലായിട്ടുണ്ട്. കഴിഞ്ഞ മാസം തമിഴ് ആന്തോളജി ചിത്രമായ ‘പാവ കഥൈകൾ’ നെറ്റ്ഫ്ളിക്‌സ് റിലീസ് ചെയ്‌തിരുന്നു. സുധ കൊങ്കര, വിഘ്നേഷ് ശിവൻ, ഗൗതം വാസുദേവ് മേനോൻ, വെട്രിമാരൻ എന്നിവർ സംവിധാനം ചെയ്‌ത നാല് സിനിമകളായിരുന്നു ഇതിൽ ഉൾപ്പെടുത്തിയിരുന്നത്. അഞ്ജലി, ഗൗതം മേനോൻ, കൽക്കി കേക്ല, പ്രകാശ് രാജ്, കാളിദാസ് ജയറാം, ശാന്തനു, സിമ്രൻ, സായി പല്ലവി തുടങ്ങിയവരാണ് പ്രധാന വേഷങ്ങൾ അവതരിപ്പിച്ചത്. സിനിമയിലെ ഓരോ കഥാപാത്രങ്ങളെയും പരിചയപ്പെടുത്തുന്ന രംഗങ്ങളാണ് പുറത്ത് വിട്ട ടീസറിലുള്ളത്.