കൊച്ചി: കഥകളിയുടെ സമസ്തമേഖലയിലും കൈയൊപ്പു പതിപ്പിച്ച കലാമണ്ഡലം കൃഷ്ണൻകുട്ടി പൊതുവാളുടെ സ്മരണക്കായി കലാസാഗർ ഏർപ്പെടുത്തിയ പുരസ്‌കാരത്തിനുള്ള നാമനിർദ്ദേശം ക്ഷണിച്ചു. കഥകളിവേഷം, സംഗീതം, ചെണ്ട, മദ്ദളം, ചുട്ടി തുടങ്ങിയ മേഖലയിലെ കലാകാരന്മാരെയും ഓട്ടൻതുള്ളൽ, ചാക്യാർകൂത്ത്‌, കൂടിയാട്ടം, മോഹിനിയാട്ടം, ഭരതനാട്യം, കുച്ചുപ്പുടി, തായമ്പക, തിമില, ഇടക്ക, ഇലത്താളം, കൊമ്പ് എന്നീ കലാവിഭാഗങ്ങളിൽ പ്രാവീണ്യം തെളിയിച്ച കലാകാരന്മാരെയാണ് കലാസാഗർ പുരസ്‌കാരം നൽകി ആദരിക്കുന്നത്. 40നും 70നും ഇടയ്ക്കു പ്രായമുള്ളവരും കേരളത്തിൽ സ്ഥിരതാമസമാക്കിയ കലാകാരന്മാരും ആയിരിക്കണം. 2021 മേയ് 28 ന് അദ്ദേഹത്തിന്റെ 97-ാം ജന്മവാർഷിക വേളയിൽ പുരസ്കാരങ്ങൾ സമ്മാനിക്കും. നാമനിർദേശം സെക്രട്ടറി, കലാസാഗർ, കവളപ്പാറ, ഷൊർണൂർ, പാലക്കാട് 679523 എന്ന വിലാസത്തിൽ അയയ്ക്കണം.