കിളിമാനൂർ: ഗാന്ധിയെ മറക്കരുത് ഇന്ത്യ തോൽക്കരുത് എന്ന മുദ്രാവാക്യമുയർത്തി ഗാന്ധി രക്തസാക്ഷി ദിനത്തിൽ ഡി.വൈ.എഫ്.ഐ കിളിമാനൂർ ബ്ലോക്ക് പരിധിയിൽ വിവിധ പരിപാടികൾ സംഘടിപ്പിച്ചു. കിളിമാനൂർ ടൗണിൽ നടന്ന പരിപാടി ഡി.വൈ.എഫ്.ഐ കേന്ദ്രകമ്മിറ്റിയംഗം കണ്ണൂർ വി.കെ. സനോജ് ഉദ്ഘാടനം ചെയ്തു.
ബ്ലോക്ക് പ്രസിഡന്റ് എ.ആർ. നിയാസ് അദ്ധ്യക്ഷനായി. എ.എസ്. അനൂപ് സ്വാഗതവും കൊടുവഴന്നൂർ അഖിൽ നന്ദിയും പറഞ്ഞു. നഗരൂരിൽ സി.പി.എം ജില്ലാ സെക്രട്ടേറിയറ്റംഗം ബി.പി. മുരളി ഉദ്ഘാടനം ചെയ്തു. അഭിനാഷ് അദ്ധ്യക്ഷനായി. ഹാരിദ് ഷിഹാബുദ്ദീൻ സ്വാഗതം പറഞ്ഞു. പള്ളിക്കൽ ടൗണിൽ സി.പി.എം ജില്ലാകമ്മിറ്റിയംഗം മടവൂർ അനിൽ ഉദ്ഘാടനം ചെയ്തു. കെ.ആർ. അമ്മു അദ്ധ്യക്ഷയായി. അൽഫാജ് സ്വാഗതവും അജ്മൽ നന്ദിയും പറഞ്ഞു. മടവൂർ പുലിയൂർകോണത്ത് ഡി.വൈ.എഫ്.ഐ ബ്ലോക്ക് ട്രഷറർ നഗരൂർ ഡി. രജിത് ഉദ്ഘാടനം ചെയ്തു. റമീസ് രാജ അദ്ധ്യക്ഷനായി. സമ്പത്ത് സ്വാഗതവും കൃഷ്ണപ്രസാദ് നന്ദിയും പറഞ്ഞു. നാവായിക്കുളം എതുക്കാട് രതീഷ് മണ്ണന്തല ഉദ്ഘാടനം ചെയ്തു. എസ്.എസ്. മനുശങ്കർ അദ്ധ്യക്ഷനായി. അൽ അമീൻ സ്വാഗതവും ഷെമീം നന്ദിയും പറഞ്ഞു. വെള്ളല്ലൂർ മാത്തയിൽ ലെനിൻ ഉദ്ഘാടനം ചെയ്തു. വിഷ്ണു അദ്ധ്യക്ഷനായി. ഫൈസൽ സ്വാഗതവും വിശാഖ് നന്ദിയും പറഞ്ഞു.