തിരുവനന്തപുരം: ന്യൂനപക്ഷക്ഷേമ വകുപ്പിന് കീഴിലുള്ള പട്ടാമ്പി ന്യൂനപക്ഷ യുവജനതയുടെ പരിശീലന കേന്ദ്രത്തിൽ ക്ലർക്ക് തസ്തികയിലെ ഒരു ഒഴിവിലേക്ക് കരാർ നിയമനത്തിന് ഇന്റർവ്യൂ നടത്തുന്നു. ക്ലർക്ക് തസ്തികയ്ക്ക് പി.എസ്.സി നിശ്ചയിച്ചിരിക്കുന്ന യോഗ്യതയും പ്രായപരിധിയുമാണ് മാനദണ്ഡം. കമ്പ്യൂട്ടർ പരിജ്ഞാനം അഭികാമ്യം. യോഗ്യതയുള്ളവർ അസൽ സർട്ടിഫിക്കറ്റുകൾ സഹിതം നാളെ രാവിലെ 10ന് തിരുവനന്തപുരം വികാസ് ഭവനിലെ ന്യൂനപക്ഷക്ഷേമ വകുപ്പ് ഡയറക്ടറുടെ കാര്യാലയത്തിൽ ഹാജരാകണം.