തിരുവനന്തപുരം: സംസ്ഥാനത്ത് 5266 പേർക്ക് കൂടി കൊവിഡ് സ്ഥിരീകരിച്ചു. 4746 പേർ സമ്പർക്കരോഗികളാണ്. 407 പേരുടെ ഉറവിടം വ്യക്തമല്ല. 42 ആരോഗ്യപ്രവർത്തകർക്കും രോഗം ബാധിച്ചു. 21 മരണങ്ങളും റിപ്പോർട്ട് ചെയ്തു. ചികിത്സയിലിരുന്ന 5730 പേർ രോഗമുക്തരായി. 24 മണിക്കൂറിനിടെ 48,118 സാമ്പിളുകളാണ് പരിശോധിച്ചത്. 10.94 ശതമാനമാണ് ടെസ്റ്റ് പോസിറ്റിവിറ്റി. യു.കെ.യിൽ നിന്നും വന്ന ഒരാൾക്ക് കൊവിഡ് സ്ഥിരീകരിച്ചു.

എറണാകുളം 743, കോഴിക്കോട് 650, കോട്ടയം 511, പത്തനംതിട്ട 496, കൊല്ലം 484, മലപ്പുറം 482, തൃശൂർ 378, ആലപ്പുഴ 371, തിരുവനന്തപുരം 300, കണ്ണൂർ 230, പാലക്കാട് 211, ഇടുക്കി 187, വയനാട് 153, കാസർകോട് 70 എന്നിങ്ങനെയാണ് പുതിയ കേസുകൾ. വിവിധ ജില്ലകളിലായി 2,18,874 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 2,07,392 പേർ വീട്/ഇൻസ്റ്റിറ്റ്യൂഷണൽ ക്വാറന്റൈനിലും 11,482 പേർ ആശുപത്രികളിലും നിരീക്ഷണത്തിലാണ്.