തിരുവനന്തപുരം: സംസ്ഥാന ഹോർട്ടികൾച്ചർ മിഷൻ - കേരള നടപ്പിലാക്കുന്ന സംയോജിത ഹോർട്ടികൾച്ചർ വികസന പദ്ധതിയിലേയ്ക്ക് ഫീൽഡ് കൺസൾട്ടന്റ് (5), ഫീൽഡ് അസിസ്റ്റന്റ് (2) പ്രോജക്ടുകളിലേക്ക് കരാർ അടിസ്ഥാനത്തിൽ അപേക്ഷ ക്ഷണിക്കുന്നു. ബി.എസ്.സി. (അഗ്രി) യോഗ്യതയുളളവരെ ഫീൽഡ് കൺസൾട്ടന്റായും, വി.എച്ച്.എസ്.സി (അഗ്രി) യോഗ്യതയുളളവരെ ഫീൽഡ് അസിസ്റ്റന്റായും നിയമിക്കും. പ്രായപരിധി 40 വയസ്സ്.

കാസർഗോഡ്, മലപ്പുറം, കൊല്ലം, തിരുവനന്തപുരം ജില്ലകളിൽ ഒഴിവുണ്ട്. ബന്ധപ്പെട്ട രേഖകൾ സഹിതം നേരിട്ടോ തപാൽ/ഇ-മെയിൽ മുഖേനയോ അപേക്ഷകൾ സമർപ്പിക്കണം. അവസാന തീയതി ഫെബ്രുവരി 8. കൂടുതൽ വിവരങ്ങൾക്ക് സംസ്ഥാന ഹോർട്ടിക്കൾച്ചർ മിഷൻ-കേരള, യൂണിവേഴ്സിറ്റി പി.ഒ., തിരുവനന്തപുരം 34, ഫോൺ: 0471 2330856, 2330857, ഇ- മെയിൽ infoshmkerala@gmail.com