ആലപ്പുഴ : എസ്.എൻ.ഡി.പി യോഗം ചെങ്ങന്നൂർ യൂണിയനിലെ പ്രീ മാര്യേജ് കൗൺസിലിംഗ് ക്ലാസ് 13, 14 തീയതികളിൽ സരസകവി മൂലൂർ സ്മാരക ഹാളിൽ നടക്കും. എറണാകുളം മുക്തിഭവൻ കൗൺസിലിംഗ് സെന്ററാണ് ക്ലാസ്സുകൾ നയിക്കുന്നത്. 13ന് രാവിലെ 9.30 ന് യൂണിയൻ ചെയർമാൻ എം.ബി.ശ്രീകുമാർ ഉദ്ഘാടനം നിർവ്വഹിക്കും. കൺവീനർ അനിൽ പി.ശ്രീരംഗം അദ്ധ്യക്ഷത വഹിക്കും. രാജേഷ് പൊന്മല, സുരേഷ് പരമേശ്വരൻ, കൊടുവഴങ്ങ ബാലകൃഷ്ണൻ, ഡോ.ശരത്ചന്ദ്രൻ, ഷൈലജാ രവീന്ദ്രൻ എന്നിവർ ക്ലാസ്സുകൾ നയിക്കും. 14ന് വൈകിട്ട് 4ന് ക്ലാസിൽ പങ്കെടുത്തവർക്കുള്ള സർട്ടിഫിക്കറ്റുകൾ വനിതാസംഘം യൂണിയൻ പ്രസിഡന്റ് ഐഷാ പുരുഷോത്തമൻ വിതരണം ചെയ്യും. മോഹനൻ കൊഴുവല്ലൂർ സ്വാഗതവും ബി.ജയപ്രകാശ് തൊട്ടാവാടി നന്ദിയും പറയും. ഫോൺ: 04792452216, 9447000097