ചേർത്തല: പന്തൽ തൊഴിലാളി കുഴഞ്ഞു വീണു മരിച്ചു. മുഹമ്മ കരയോഗം ജംഗ്ഷന് സമീപം പെരുവേലി വിജയകുമാർ (ബിജു-57) ആണ് മരിച്ചത്. ഇന്നലെ രാവിലെ 9.30 ഓടെയാണ് സംഭവം. കൊവിഡ് വ്യാപനത്തെ തുടർന്ന് ജോലി കുറവായതിനാൽ ബിജു മുഹമ്മ മുസ്ലീം പള്ളിയിലെ മരാമത്തു ജോലിയിൽ ഏർപ്പെട്ടിരിക്കുകയായിരുന്നു. ജോലിക്കിടെ കുഴഞ്ഞു വീണ ബിജുവിനെ സഹപ്രവർത്തകനും നാട്ടുകാരും ചേർന്ന് ഉടൻ മുഹമ്മ സാമൂഹികാരോഗ്യ കേന്ദ്രത്തിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ചേർത്തല താലൂക്ക് ആശുപത്രി മോർച്ചറിയിലേയ്ക്ക് മാ​റ്റി .സംസ്‌കാരം പിന്നീട് . ഭാര്യ: ബീന. മക്കൾ: വിഷ്ണു,വീണ,വിനയ. മരുമക്കൾ: രതീഷ്,ആർദ്റ .