2019-2020 വർഷത്തെ പ്രവർത്തനത്തിനാണ് പുരസ്‌കാരം

ചേർത്തല: മഹാത്മാ തൊഴിലുറപ്പ് പദ്ധതിയിൽ സംസ്ഥാനത്ത് ആദ്യമായി 25 ലക്ഷം രൂപയുടെ പദ്ധതി നടപ്പാക്കിയ തണ്ണീർമുക്കം ഗ്രാമപഞ്ചായത്ത് മഹാത്മ പുരസ്‌ക്കാരം അർഹമായി.

2019-2020 സാമ്പത്തിക വർഷത്തിൽ ജില്ലയിൽ മികച്ച പ്രവർത്തനം കാഴ്ചവെയ്ക്കുന്ന പഞ്ചായത്തിനാണ് മഹാത്മ പുരസ്‌ക്കാരം നൽകുന്നത്. വർക്ക് ഷെഡ്,വേപ്പിൻ ഗ്രാമം,കേരഗ്രാമം രാജ്യത്തെ ആദ്യത്തെ ജലസംഭരണി, സോക്ക്പി​റ്റുകളുടെ നിർമ്മാണം, തരിശ് രഹിത ജൈവ കൃഷി പദ്ധതികൾ, സ്‌കൂളുകളിൽ കളിസ്ഥലങ്ങൾ ,378 പുതിയ റോഡുകൾ, ഭവന നിർമ്മാണം, തൊഴുത്തുകൾ, ആട്ടിൻ കൂടുകളുടെ നിർമ്മാണം തുടങ്ങി വ്യത്യസ്ത പുലർത്തുന്ന പദ്ധതി നടത്തിപ്പിലൂടെ മികവ് പുലർത്തിയതിനാണ് അവാർഡ് . ഇതിന് പുറമേ
പഞ്ചായത്തിൽ വിവിധങ്ങളായ കൊവിഡ് പ്രതിരോധ പദ്ധതികൾ ആസൂത്രണം ചെയ്ത് നടപ്പിലാക്കിയതിന് ദേശീയ തലത്തിൽ പഞ്ചായത്ത് പ്രസിഡന്റായിരുന്ന അഡ്വ.പി.എസ്. ജോതിസ് ശ്രദ്ധ പിടിച്ചു പ​റ്റിയിരുന്നു .