മാന്നാർ: ഗ്രാമം 5395-ാം നമ്പർ വയൽവാരം ശാഖാ യോഗത്തിലെ 12-ാമത് ശ്രീനാരായണ ഗുരുദേവ പ്രതിഷ്ഠാ വാർഷികാഘോഷം മാന്നാർ യൂണിയൻ ചെയർമാൻ ഡോ.എം.പി വിജയകുമാർ ഉദ്ഘാടനം ചെയ്തു. കൊവിഡ് മാനദണ്ഡം പാലിച്ച് നടക്കുന്ന പ്രതിഷ്ഠാ വാർഷിക ചടങ്ങുകൾ രാവിലെ 8ന് ആരംഭിച്ചു. ഗുരു ക്ഷേത്രത്തിൽ നടന്ന പ്രത്യേക ഗുരു പൂജ, സമൂഹപ്രാർത്ഥന എന്നിവയ്ക്ക് ശേഷം ശാഖാ പ്രസിഡന്റ് വി. കാർത്തികേയൻ കൊടിമരത്തിൽ പീത പതാക ഉയർത്തി. യൂണിയൻ കൺവീനർ ജയലാൽ എസ്. പടിത്തറ, അഡ്മിനിസ്ട്രേറ്റി​വ് കമ്മി​റ്റി അംഗം ദയകുമാർ ചെന്നിത്തല എന്നിവർ മുഖ്യ സന്ദേശം നൽകി. സൈബർ സേന ജില്ലാ വൈസ് ചെയർമാൻ അരുൺ അച്ചു, ശാഖാ വൈസ് പ്രസിഡന്റ് വി. സജു , സെക്രട്ടറി ചന്ദ്രിക റജി എന്നിവർ സംസാരി​ച്ചു. തുടർന്ന് ക്ഷേത്ര തന്ത്രി ബാബു രാമകൃഷ്ണൻ കൊല്ലത്തിന്റെ നേതൃത്വത്തിൽ മഹാഗണപതി ഹോമം, ദേവീ പൂജ, വിഷ്ണുപൂജ, പഞ്ചഗവ്യം, കലശപൂജ, കലശാഭിഷേകം, മഹാ ഗുരുപൂജ, ദീപാരാധന എന്നീ വൈദി​ക ചടങ്ങുകളും ഉച്ചയ്ക്ക് അന്നദാനവും നടന്നു.