ആലപ്പുഴ: കുട്ടനാട് നിയോജകമണ്ഡലത്തിലെ പുളിങ്കുന്ന്, കാവാലം എന്നീ പ്രദേശങ്ങളിലെ ഭക്ഷ്യ ഉത്പാദന, സംഭരണ, വിതരണ, വിൽപ്പന സ്ഥാപനങ്ങൾക്കുവേണ്ടി ജില്ലാ ഭക്ഷ്യസുരക്ഷാ വകുപ്പിന്റെ നേതൃത്വത്തിൽ ഇന്ന് രാവിലെ 10 മുതൽ ഉച്ചയ്ക്ക് ഒന്നു വരെ പുളിങ്കുന്ന് വടക്കേ അങ്ങാടി സൊസൈറ്റി ഹാളിലും ഉച്ചയ്ക്ക് രണ്ടു മുതൽ അഞ്ചുവരെ കാവാലം പള്ളിയാർ കാവ് ജംഗ്ഷനിലുള്ള സൂര്യ ക്ലബ് ഹാളിലും ഭക്ഷ്യ സുരക്ഷാ ലൈസൻസ് / രജിസ്‌ട്രേഷൻ മേള സംഘടിപ്പിക്കും. വഴിയോര പഴം, പച്ചക്കറി, മത്സ്യ കച്ചവടക്കാർ, തട്ട് കടകൾ, കാറ്ററിംഗ്, പാചകതൊഴിലാളികൾ, ഭക്ഷ്യ ബിസിനസ് നടത്തുന്ന കുടുംബശ്രീ യൂണിറ്റുകൾ, വീടുകൾ കേന്ദ്രീകരിച്ച് നടത്തുന്ന ചെറുകിട ഭക്ഷ്യ ബിസിനസുകൾ, പൊടിമില്ലുകൾ, ഹൗസ് ബോട്ടുകൾ,ഭക്ഷണം വിതരണം ചെയ്യുന്ന വാഹനങ്ങൾ, അങ്കണവാടികൾ, കാന്റീൻ, ഹോസ്റ്റൽ മെസ്, ഹോം സ്റ്റേ, ആരാധനാലയങ്ങൾ, ടാങ്കിൽ വെള്ളം വിതരണം ചെയ്യുന്നവർ എന്നിവരും ഭക്ഷ്യ സുരക്ഷാ നിയമം 2006 അനുശാസിക്കുന്ന ഭക്ഷ്യസുരക്ഷാ ലൈസൻസ്/ രജിസ്‌ട്രേഷൻ എടുക്കണം. ഫോൺ: 7593873336.