ഹരിപ്പാട്: എസ്.എൻ.ഡി.പി യോഗം ചേപ്പാട് യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസിലിംഗ് സെന്ററിന്റെ സഹകരണത്തോടെ നടത്തുന്ന വിവാഹപൂർവ്വ കൗൺസലിംഗ് കോഴ്സിന്റെ 53-ാമത് ബാച്ച് യൂണിയൻ സൗധത്തിൽ ഇന്നും നാളെയും നടക്കും. യൂണിയൻ പ്രസിഡന്റ് എസ്.സലികുമാർ ഉദ്ഘാടനം ചെയ്യും. സെക്രട്ടറി എൻ.അശോകൻ അദ്ധ്യക്ഷനാകും. ഡയറക്ടർ ബോർഡ് അംഗങ്ങളായ എം.കെ.ശ്രീനിവാസൻ, ഡി.ധർമ്മരാജൻ തുടങ്ങിയവർ സംസാരിക്കും. കോ-ഓർഡിനേറ്ററും യൂണിയൻ കൗൺസിലറുമായ അഡ്വ.യു. ചന്ദ്രബാബു സ്വാഗതവും വൈസ് പ്രസിഡന്റ് ഡി.കാശിനാഥൻ നന്ദിയും പറയും. പ്രൊഫ.കൊടുവഴങ്ങ ബാലകൃഷ്ണൻ, ഡോ.വി.എൻ.ശരത് ചന്ദ്രൻ തിരുവനന്തപുരം, രാജേഷ് പെൻമല, വിൻസന്റ് ജോസഫ്, വി.എം.ശശി കോട്ടയം,എസ്.വിജയാനന്ദ് തുടങ്ങിയവർ ക്ലാസ് നയിക്കും.