ആലപ്പുഴ : ജില്ലയിൽ ഇന്നലെ 440 പേർക്ക് രോഗം സ്ഥിരീകരിച്ചതോടെ കൊവിഡ് ബാധിച്ച് ചികിത്സയിലുള്ളവരുടെ എണ്ണം 4634 ആയി. 435 പേർക്ക് സമ്പർക്കത്തിലൂടെയാണ് രോഗം ബാധിച്ചത്. മൂന്നു പേരുടെ സമ്പർക്ക ഉറവിടം വ്യക്തമല്ല. 305 പേരുടെ പരിശോധനാഫലം നെഗറ്റീവായതോടെ 71006പേർ രോഗ മുക്തരായി. ഇന്നലെ കൊവിഡ് വാക്സിനേഷന്റെ ഭാഗമായി 831 ആരോഗ്യപ്രവർത്തകർക്ക് 10 കേന്ദ്രങ്ങളിലായി രണ്ടാമത്തെ ഡോസ് വാക്സിൻ നൽകി. 35 ആരോഗ്യപ്രവർത്തകർക്ക് ആദ്യ ഡോസ് വാക്സിൻ നൽകി . കൂടാതെ ഏഴ് കേന്ദ്രങ്ങളിലായി കൊവിഡ് മുന്നണിപോരാളികളായ 372 ഉദ്യോഗസ്ഥർക്കും വാക്സിൻ നൽകി .