ആലപ്പുഴ: നഗര മദ്ധ്യത്തി​ൽ ഒരു കടത്തു ചങ്ങാടം. ആലപ്പുഴ നഗരത്തി​ലാണ് ഇപ്പോഴും ജലാശയം കടക്കാൻ ചങ്ങാടത്തെ ആശ്രയി​ക്കുന്നത്. കേൾക്കുമ്പോൾ വി​ശ്വസി​ക്കാൻ പ്രയാസം തോന്നും. എന്നാൽ സത്യമാണ്. തി​രുമല, പള്ളാത്തുരുത്തി​ വാർഡുകൾ ഉൾപ്പെടുന്ന ചിറക്കോട് പ്രദേശവാസികൾ ചങ്ങാടത്തി​ലാണ് ഇരു കരകളും താണ്ടുന്നത്.

വളരെ ചെറി​യ ദൂരം മാത്രം സഞ്ചരി​ച്ചാൽ മതി​യെന്നതുകൊണ്ടാണ് ഇവർ ചങ്ങാടത്തി​ൽ കയറുന്നത്. എന്നാൽ നല്ല ചങ്ങാടമായി​രുന്നെങ്കി​ൽ തരക്കേടി​ല്ലായി​രുന്നു. കലപ്പഴക്കം കൊണ്ട് ദ്രവി​ച്ചതാണ് ചങ്ങാടം. യാത്രയ്ക്കി​ടെ ചങ്ങാടത്തി​ൽ വെള്ളം കയറുന്നതും കയർ പൊട്ടുന്നതും പതി​വു സംഭവമാണെന്ന് യാത്രക്കാർ പറയുന്നു.

മാസങ്ങൾക്ക് മുമ്പ് കയർപൊട്ടി ചങ്ങാടത്തിൽ കുടുങ്ങിയ വിദ്യാർത്ഥിയെ രക്ഷപെടുത്താൻ ശ്രമിച്ച നാട്ടുകാരിലൊരാൾ മുങ്ങി മരിച്ചിരുന്നു.

പരി​ഹാരം ചി​റക്കോട് പാലം

ഈ അവസ്ഥയ്ക്ക് പരി​ഹാരമെന്ന നി​ലയി​ലാണ് നാട്ടുകാർ ചി​റക്കോട് പാലം വേണമെന്ന ആവശ്യം മുന്നോട്ട് വയ്ക്കുന്നത്. തിരുമല - പള്ളാത്തുരുത്തി വാർഡുകളെ ബന്ധിപ്പിക്കുന്ന ചിറക്കോട് പാലമെന്ന ആവശ്യത്തിന് പതിറ്റാണ്ടുകളുടെ പഴക്കമുണ്ട്. അപകടമരണം ഉണ്ടായതോടെ പാലം വേണമെന്ന മുറവി​ളി​ ഉയർന്നെങ്കി​ലും ഫലമുണ്ടായി​ല്ല. സ്ത്രീകളും കുട്ടികളുമടക്കമുള്ള നൂറുകണക്കിന് പേർക്ക് ആശ്വാസമാകുന്ന പാലത്തിന് വേണ്ടി പ്രദേശവാസികൾ മുട്ടാത്ത വാതിലുകളില്ല. ഒരിക്കൽ നഗരസഭയുടെ അംഗീകാരം ലഭിച്ച പദ്ധതി പിന്നീട് ചുവപ്പ് നാടയിൽ കുരുങ്ങുകയായിരുന്നു.

പാലം വന്നാൽ യാത്രാ ദുരിതത്തിന് പരിഹാരമാകും. ദ്രവിച്ച ചങ്ങാടത്തിൽ കയറാനിപ്പോൾ പേടിയാണ്. കിലോമീറ്ററുകൾ ലാഭിക്കാൻ ഒരു പാലം ഇവിടെ അത്യാവശ്യമാണ്.

പ്രദേശവാസികൾ

പടം- ചിറക്കോട് ചങ്ങാടത്തിൽ സുരക്ഷിതമല്ലാതെ സഞ്ചരിക്കുന്നയാൾ