അമ്പലപ്പുഴ: ആലപ്പുഴ മെഡിക്കൽ കോളേജി​ലേയ്ക്ക് എത്താൻ വഴി​കാണാതെ ബുദ്ധി​മുട്ടുകയാണ് തീരദേശ വാസി​കൾ. തീരദേശ സർവീസുകൾ പലതും നി​ർത്തലാക്കി​യതാണ് പ്രശ്നം. വണ്ടാനം ആശുപത്രിയിലേയ്ക്ക് അനുവദിച്ചിരുന്ന തീരദേശ റോഡിലൂടെയുളള അർത്തുങ്കൽ- വണ്ടാനം ബസ് കൊവിഡ് വ്യാപനത്തെ തുടർന്ന് നിർത്തലാക്കിയിരുന്നു. ഒരു വർഷമായിട്ടും ഇത് പുനഃസ്ഥാപിച്ചിട്ടി​ല്ല. ചേർത്തലയിൽ നിന്നും വണ്ടാനത്തേയ്ക്ക് ഉണ്ടായിരുന്ന കെ.എസ്.ആർ.ടി.സി ബസും ഇപ്പോൾ ഓടുന്നില്ല. തീരദേശത്തു നിന്നുള്ള രോഗികളും, ജീവനക്കാരും ഓട്ടോ പിടിച്ച് ദേശീയ പാതയിലെത്തി ബസ്സിൽ കയറേണ്ട ഗതികേടിലാണ്. ഉള്ള ബസി​ൽ ആളെ കുത്തി​നി​റച്ചാണ് യാത്ര. ആശുപത്രി ജീവനക്കാരുടേയും, രോഗികളുടേയും യാത്രാക്ലേശം പരിഹരിക്കാൻ അധികൃതർ നടപടി എടുക്കണമെന്ന് ഗവ. നഴ്സസ് യൂണിയൻ സെക്രട്ടറി ഇ.ജി.ഷീബ ആവശ്യപ്പെട്ടു .