ആലപ്പുഴ: കൃഷ്ണപുരം കേന്ദ്ര തോട്ടവിള ഗവേഷണ സ്ഥാപനത്തിൽ നിന്നും തെങ്ങിൻ തൈകളുടെ വിതരണത്തിനായുള്ള രജിസ്‌ട്രേഷൻ മാർച്ച് ഒന്നു മുതൽ അഞ്ചു വരെ രാവിലെ 10 മുതൽ ഉച്ചയ്ക്ക് മൂന്നുവരെ നടത്തും. കർഷകർ നേരിട്ടെത്തിയുള്ള ബുക്കിങ്ങോ സി.പി.സി.ആർ.ഐയുടെ മറ്റു നമ്പറുകളിൽ നിന്നോ ബുക്കിംഗ് സ്വീകരിക്കില്ല. റേഷൻ കാർഡ് പ്രകാരമുള്ള ഒരു ബുക്കിംഗിനു അഞ്ച് തൈകൾ വീതം 1500 പേരിൽ നിന്നാണ് ബുക്കിംഗ് സ്വീകരിക്കുക. തൈ വിതരണം നടത്തുമ്പോൾ മാത്രമേ സ്ഥാപനത്തിൽ തുക അടക്കേണ്ടതുള്ളൂ. ചാവക്കാട് കുറിയ പച്ച, ചാവക്കാട് കുറിയ ഓറഞ്ച്, സങ്കരയിനം തൈകൾ, പശ്ചിമതീര നെടിയ നാടൻ ഇനം എന്നീ തൈകളാണ് വിതരണം ചെയ്യുക.

ബുക്കിംഗിന് ഫോൺ​: 0479-2444678.