മാവേലിക്കര: തഴക്കര പഞ്ചായത്തിൽ നിർമ്മാണം പൂർത്തിയാക്കിയ പതിനൊന്ന് റോഡുകളുടെ ഉദ്‌ഘാടനം ആർ.രാജേഷ് എം.എൽ.എ നിർവഹിച്ചു. കല്ലിമേൽ -അക്വഡേറ്റ് -കോട്ടമുക്ക്, കുന്നം ഗവ.എച്ച്.എസ്.എസ് -ഒലിക്കുഴി, തഴക്കര -പള്ളിത്തറ, വടശേരിക്കുളം -കൊപ്രാമുക്ക്, അറുനൂറ്റിമംഗലം -കുഴിലേത്ത്, മന്നാലിൽ -നിരവിനാൽ, താന്നിക്കുന്ന് സി.പി റോഡ്, കല്ലിത്തുണ്ടം -കരുവേലിൽ, വെട്ടിയാർ -ആറ്റുതീരം, ചെറുമല -തെക്കുംപുറം, മുഖ്യമന്ത്രിയുടെ പ്രളയ വികസന ഫണ്ടിൽ 17 ലക്ഷം വിനിയോഗിച്ച് നിർമ്മിച്ച വെട്ടിയാർ നേർച്ചപ്പള്ളി - സെന്റ് മേരീസ് പള്ളി റോഡ് എന്നി​വയുടെ ഉദ്ഘാടനമാണ് നടത്തിയത്. ഇതോടൊപ്പം കൊച്ചാലുംമൂട് ബസ് കാത്തിരിപ്പ് കേന്ദ്രം, വഴുവാടി യു.പി സ്‌കൂൾ പാചകപ്പുര, കോട്ടേമല ഗ്രൗണ്ട് എന്നിവയുടെ ഉദ്‌ഘാടനവും എം.എൽ.എ നിർവഹിച്ചു.