ചേർത്തല: രണ്ടാം കയർ വ്യവസായ പുനഃസംഘടനയുടെ ഭാഗമായി മുഹമ്മ ലേബറേഴ്‌സ് കയർ മാറ്റ്‌സ് ആൻഡ് മാറ്റിംഗ്സ് കോ-ഓപ്പറേറ്റീവ് സൊസൈറ്റിയുടെ പുതിയ ഫാക്ടറി കെട്ടിടത്തിന്റെയും യന്ത്റത്തറികളുടെയും പി.വി.സി ടഫ്റ്റഡ് യൂണിറ്റിന്റെയും ശിലാസ്ഥാപനം മന്ത്റി ഡോ. ടി.എം. തോമസ് ഐസക് നിർവഹിച്ചു. മന്ത്റി പി.തിലോത്തമൻ അദ്ധ്യക്ഷനായി. എ.എം. ആരിഫ് എം പി വിശിഷ്ടാതിഥിയായി. ജില്ലാ പഞ്ചായത്തംഗം വി.ഉത്തമൻ, കയർ കോർപറേഷൻ ചെയർമാൻ ടി.കെ. ദേവകുമാർ, ഫോം മാറ്റിംഗ്സ് ചെയർമാൻ കെ. ആർ.ഭഗീരഥൻ, കെ.എം. ഇന്ദിര,വി.ആർ.പ്രസാദ്, വിവേക് വേണുഗോപാൽ, റോബിൻ ഫ്രാൻസിസ്, സ്വപ്ന ഷാബു, സിന്ധുരാജീവ്, എം എസ് ലത, എൻ.ടി. റെജി, കെ.എസ്.ദാമോദരൻ,ടി.ഷാജി, കെ.ഡി. അനിൽകുമാർ, പി.സുരേന്ദ്രൻ, കെ.സലിമോൻ എന്നിവർ സംസാരിച്ചു.സംഘം പ്രസിഡന്റ് സി.കെ. സുരേന്ദ്രൻ സ്വാഗതവും സെക്രട്ടറി ഇൻ ചാർജ് എസ്.ഗവേഷ് നന്ദിയും പറഞ്ഞു.