മാവേലിക്കര: ചെട്ടികുളങ്ങര ദേവീക്ഷേത്രത്തിലെ എതിരേൽപ്പ് മഹോത്സവത്തോടനുബന്ധിച്ച് ഇന്ന് നാലാം കരയായ കൈത വടക്ക് കരയുടെ ഉരുളിച്ച വരവ് നടക്കും. രാവിലെ 7.30ന് ദേവീഭാഗവത പാരായണം, വൈകിട്ട് 4ന് ഉരുളിച്ച വരവ് കാട്ടുവള്ളിൽ ക്ഷേത്രത്തിൽ നിന്ന് പുറപ്പെട്ട് ചെട്ടികുളങ്ങര ക്ഷേത്രത്തിൽ എത്തിച്ചേരും. ക്ഷേത്രത്തിൽ വൈകിട്ട് 4.30ന് മതപ്രഭാഷണം, 6ന് തോറ്റം പാട്ട്, പുള്ളുവൻ പാട്ട്, 7.30ന് സേവ, രാത്രി 9ന് വിദ്യാഭ്യാസ സ്കോളർഷിപ്പ് വിതരണവും ചികിത്സ ധനസഹായ വിതരണവും, 9.30ന് തിരുവാതിരയും ക്ലാസിക്കൽ ഡാൻസും, 10ന് നെടുവേലിപടി അൻപൊലി, 11ന് എതിരേൽപ്പ് വരവ് എന്നിവ നടക്കും. ഇന്നലെ മൂന്നാം കരയായ കൈത തെക്ക് കരയുടെ എതിരേൽപ്പ് മഹോത്സവം നടന്നു.