ന്യൂഡൽഹി: ബഡ്ജറ്റ് അവതരണ ദിവസം കാർഷിക നിയമത്തിനെതിരെ പഞ്ചാബിൽ നിന്നുള്ള എം.പിമാരുടെ പ്രതിഷേധം. പാർലമെന്റിന്റെ കവാടത്തിലും ലോക്‌സഭക്കുള്ളിലുമാണ് പ്രതിഷേധിച്ചത്.
കറുത്ത ഗൗൺ ധരിച്ചാണ് എം.പിമാരായ ജസ്ബീർ സിംഗ് ഗിലും ഗുർജീത് സിംഗ് ഒജ്ലയും ബഡ്ജറ്റ് ദിനത്തിൽ പാർലമെന്റിലെത്തിയത്. കാർഷിക നിയമത്തിനെതിരായ പോസ്റ്ററുകൾ എം.പിമാർ കഴുത്തിൽ തൂക്കിയിരുന്നു. ബഡ്ജറ്റ് അവതരണം തുടങ്ങിയതോടെ അംഗങ്ങൾ പ്രതിഷേധ സൂചകമായി ബഹളവും തുടങ്ങി. പ്രതിഷേധം നീണ്ടതോടെ ഇടപെട്ട ലോക്‌സഭാ സ്പീക്കർ ഓം ബിർള, ബഹളം അവസാനിപ്പിക്കണമെന്ന് ആവശ്യപ്പെട്ടു.