പി.​എം​ ​ ആ​ത്മ​നി​ർ​ഭ​ർ​ ​ സ്വാ​സ്ഥ്യ ഭാ​ര​ത് ​യോ​ജ​ന​ ​:​ 64,180​ ​കോ​ടി

ന്യൂഡൽഹി: ആരോഗ്യമേഖലയ്‌ക്ക് 2,23,​846 കോടി വകയിരുത്തിയ ബഡ്ജറ്റ് പ്രഖ്യാപനങ്ങളിൽ പ്രധാനമാണ് പി.എം ആത്മനിർഭർ സ്വാസ്ഥ്യ ഭാരത് യോജന എന്ന പുതിയ ആരോഗ്യ പദ്ധതി. നിലവിലുള്ള ദേശീയ ആരോഗ്യമിഷന് പുറമേ നടപ്പാക്കുന്ന ഈ ബൃഹദ് പദ്ധതിക്ക് ആറു വർഷത്തേക്ക് 64,180 കോടിയിലധികം രൂപയാണ് വിഹിതം. നടപ്പ് സാമ്പത്തിക വർഷം ആരോഗ്യ മേഖലയുടെ മൊത്തം വിഹിതം 94,​452 കോടിയായിരുന്നു. ഇത്തവണ കൊവിഡ് വാക്സിന് 3,​500 കോടിയും വകയിരുത്തി.

പ്രാഥമികാരോഗ്യ കേന്ദ്രം മുതലുള്ള ആരോഗ്യസംവിധാനങ്ങൾ ശക്തിപ്പെടുത്താനും കൂടുതൽ അടിസ്ഥാന സൗകര്യമൊരുക്കാനുമാണ് പി.എം ആത്മനിർഭർ സ്വാസ്ഥ്യ ഭാരത് യോജന. അതിന്റെ ലക്ഷ്യങ്ങൾ:

- 7,788 ഗ്രാമീണ, 11,024 നഗര ആരോഗ്യ-കേന്ദ്രങ്ങൾക്ക് സഹായം

- എല്ലാ ജില്ലകളിലും സംയോജിത പൊതുജനാരോഗ്യ ലാബുകൾ

- 11 സംസ്ഥാനങ്ങളിൽ 3382 ബ്ലോക്ക് പബ്ലിക് ഹെൽത്ത് യൂണിറ്റുകൾ

- 602 ജില്ലകളിലും 12 കേന്ദ്ര സ്ഥാപനങ്ങളിലും ക്രിട്ടിക്കൽ കെയർ ഹോസ്പിറ്റൽ ബ്ലോക്കുകൾ

- എൻ.സി.ഡി.സിയുടെ അഞ്ച് പ്രാദേശിക ശാഖകളും 20
മെട്രോപൊളിറ്റൻ ആരോഗ്യ നിരീക്ഷണ യൂണിറ്റുകളും ശക്തിപ്പെടുത്തും

- എല്ലാ പൊതുജനാരോഗ്യ ലാബുകളെയും ബന്ധിപ്പിക്കുന്ന പോർട്ടൽ

- 32 വിമാനത്താവളങ്ങളിലും 11 തുറമുഖങ്ങളിലുമായി 17 പുതിയ പൊതുജനാരോഗ്യ യൂണിറ്റുകൾ

- 15അടിയന്തര ശസ്ത്രക്രിയ കേന്ദ്രങ്ങൾ

- രണ്ട് മൊബൈൽ ആശുപത്രികൾ

-112 ജില്ലകളിൽ പോഷകാഹാരം ഉറപ്പാക്കാൻ മിഷൻ പോഷൺ 2.0
- ന്യൂമോണിയ,മെനിഞ്ചൈറ്റിസ് തുടങ്ങിയവയ്ക്ക് ഫലപ്രദമായ
ന്യൂമോകോക്കൽ വാക്‌സിൻ രാജ്യവ്യാപകമാക്കും

- നാഷണൽ ഇൻസ്റ്റിറ്യൂട്ട് ഫോർ വൺ ഹെൽത്ത്

- ലോകാരോഗ്യ സംഘടനയുടെ ദക്ഷിണ പശ്ചിമേഷ്യൻ
മേഖലയ്ക്കായി ഗവേഷണ സ്ഥാപനം

-ഒൻപത് ബയോ സേഫ്റ്റി ലബോറട്ടറികൾ

- നാഷണൽ ഇൻസ്റ്റിറ്റ്യൂട്ട് ഫോർ വൈറോളജിയുടെ നാല് പുതിയ മേഖലാ കേന്ദ്രങ്ങൾ