ന്യൂഡൽഹി:തിരുവനന്തപുരം വിമാനത്താവളത്തിന്റെ നടത്തിപ്പ് അദാനിയുടെ കമ്പനിക്ക് കൈമാറാനുള്ള തീരുമാനം ചോദ്യം ചെയ്ത് സംസ്ഥാന സർക്കാർ നൽകിയ ഹർജി രണ്ട് ആഴ്ച കഴിഞ്ഞ് സുപ്രീം കോടതി പരിഗണിക്കും. എയർപോർട്ട് അതോറിറ്റി എംപ്ലോയീസ് യൂണിയൻ നൽകിയ ഹർജി ഉൾപ്പടെ പരിഗണിക്കുമെന്നും ചീഫ് ജസ്റ്റിസ് എസ്.എ. ബോബ്‌ഡെ അദ്ധ്യക്ഷനായ ബെഞ്ച് അറിയിച്ചു. എന്നാൽ, അടുത്ത മാസം 16ലേക്കാണ് ലിസ്റ്റ് ചെയ്യുകയെന്ന് സുപ്രീം കോടതി വെബ്‌സൈറ്റിൽ പറയുന്നു.