ന്യൂഡൽഹി: യുവ നേതാവ് കനയ്യകുമാർ പാർട്ടിവിടുമെന്ന വാർത്തകൾ സി.പി.പി.ഐ നിഷേധിച്ചു. കനയ്യ ജെ.ഡി.യുവിൽ ചേരാൻ സാധ്യതയുണ്ടെന്ന തരത്തിൽ ഒരുവിഭാഗം മാധ്യമങ്ങൾ പ്രസിദ്ധീകരിച്ച വാർത്ത അടിസ്ഥാനരഹിതമാണെന്ന് സി.പി.ഐ ദേശീയ സെക്രട്ടറിയേറ്റ് പ്രസ്താവനയിൽ അറിയിച്ചു. സി.പി.ഐ എം.എൽ.എ സൂര്യകാന്ത് പാസ്വാനോടൊപ്പം ചില ജനകീയ വിഷയങ്ങൾ ചർച്ച ചെയ്യാനാണ് കനയ്യകുമാർ ബീഹാർ മന്ത്രി അശോക് ചൗധരിയുമായി കൂടിക്കാഴ്ച നടത്തിയത്. പാ‌ർട്ടിയേയും കനയ്യകുമാറിനെയും അപകീർത്തിപ്പെടുത്താനുള്ള ശ്രമത്തെ അപലപിക്കുന്നതായും സി.പി.ഐ വ്യക്തമാക്കി.