ന്യൂഡൽഹി :വ്യാപകമായ പ്രതിഷേധത്തിന് പിന്നാലെ 25 ന് നടത്താനിരുന്ന ( കൗ സയൻസ് )​ 'കാമധേനു ഗോ വിജ്ഞാൻ പ്രചാർ പ്രസാർ പരീക്ഷ' കേന്ദ്രം മാറ്റിവച്ചു. 21 ന് നടത്തിനിരുന്ന മോക്ക് ടെസ്റ്റും മാറ്റി വച്ചതായി രാഷ്ട്രീയ കാമധേനു ആയോഗിന്റെ വെബ്‌സൈറ്റിലാണ് അറിയിപ്പുണ്ടായത്. പുതിയ തീയതി പ്രഖ്യാപിച്ചിട്ടില്ല.

ജനുവരി 5 നായിരുന്നു പരീക്ഷ നടത്താൻ തീരുമാനമായത്. പാലിൽ സ്വർണമുള്ളതിനാലാണ് മഞ്ഞനിറം തുടങ്ങിയുള്ള അടിസ്ഥാനരഹിതമായ സിലബസ് ആദ്യം തന്നെ വിവാദങ്ങൾക്ക് വഴിവച്ചിരുന്നു. ഒപ്പം പരീക്ഷയിൽ പങ്കെടുക്കാൻ വിദ്യാർത്ഥികൾക്ക് നിർദ്ദേശം നൽകണം എന്നാവശ്യപ്പെട്ടുകൊണ്ട് യു.ജി.സി,​ എ.ഐ.സി.ടി.സി,​ കേന്ദ്രീയ സംഗതൻ തുടങ്ങിയവയിലെ മേധാവികൾക്ക് അയച്ച കത്ത് പുറത്തുവന്നതോടെ വിമർശനം തീവ്രമാവുകയായിരുന്നു.