കോലഞ്ചേരി: പെട്രോൾ, ഡീസൽ പാചക വാതക വില വർദ്ധനയിൽ പ്രതിഷേധിച്ച് എൽ.ഡി.എഫ് കുന്നത്തുനാട് മണ്ഡലം കമ്മിറ്റിയുടെ ആഭിമുഖ്യത്തിൽ പട്ടിമറ്റത്ത് സായാഹ്ന പ്രതിഷേധ സംഗമം നടത്തി. സി.പി.എം ജില്ലാ സെക്രട്ടറിയേറ്റംഗം പി.ആർ. മുരളീധരൻ ഉദ്ഘാടനം ചെയ്തു.
സി.പി.ഐ മണ്ഡലം സെക്രട്ടറി എം.പി.ജോസഫ് അദ്ധ്യക്ഷനായി. സി.പി.എം ജില്ലാ കമ്മിറ്റിയംഗങ്ങളായ സി. ബി. ദേവദർശനൻ, കെ.വി. ഏലിയാസ്, അഡ്വ.പുഷ്പദാസ്, അഡ്വ.കെ.എസ്. അരുൺകുമാർ, ഏരിയാ സെക്രട്ടറി സി.കെ.വർഗീസ്, സി പി ഗോപാലകൃഷ്ണൻ, ജോർജ് കെ.ഐസക്ക് എന്നിവർ സംസാരിച്ചു.