ആർ.എസ്.എസ് ചതിച്ചതെന്ന്

പെരുമ്പാവൂർ: അയോദ്ധ്യാ രാമക്ഷേത്ര നിർമ്മാണ നിധിയിലേക്ക് തുക സംഭാവന ചെയ്ത എൽദോസ് കുന്നപ്പിളളി എം.എൽ.എ വി​വാദത്തി​ലായി​. ശ്രീരാമ ക്ഷേത്രത്തിന്റെ രൂപരേഖ ജില്ലാ പ്രചാരക് അജേഷ് കുമാറിൽ നിന്ന് ഏറ്റുവാങ്ങുന്നുവെന്ന അടിക്കുറിപ്പോടെയുള്ള ചിത്രം സംഘപരി​വാർ, സി​.പി​.എം പ്രവർത്തകർ വ്യാപകമായി​ പ്രചരി​പ്പി​ക്കുന്നുണ്ട്. എം.എൽ.എയ്‌ക്കെതിരെ വെൽഫെയർ പാർട്ടിയും പി.ഡി.പിയും രംഗത്ത് വന്നി​ട്ടുണ്ട്.

അതേസമയം,​ സംഭവത്തിൽ മാപ്പപേക്ഷയുമായി എൽദോസ് കുന്നപ്പിള്ളി​ രംഗത്തുവന്നു. ഏതെങ്കിലും മതവിഭാഗത്തെ തന്റെ പ്രവൃത്തി വേദനിപ്പിച്ചിട്ടുണ്ടെങ്കിൽ നിരുപാധികം മാപ്പ് ചോദിക്കുന്നു. ആർ.എസ്.എസ് ചതിച്ചതാണ്. ഇരിങ്ങോൾ കാവിന്റെ ഭാരവാഹികളാണെന്ന് പറഞ്ഞ് തെറ്റി​ദ്ധരി​പ്പി​ക്കുകയായി​രുന്നു. ഇരിങ്ങോൾ കാവിലേക്കെന്ന് കരുതി​യാണ് സംഭാവന നൽകിയത്. അനാവശ്യ വിവാദമുണ്ടാക്കാനാണ് എൽ.ഡി.എഫിന്റെ ശ്രമമെന്നും എൽദോസ് പറഞ്ഞു.