പറവൂർ: പറവൂത്തറ ശ്രീകുമാരമംഗലം ക്ഷേത്രപുനരുദ്ധാരണത്തിന്റെ ഭാഗമായി നിർമ്മിക്കുന്ന പുതിയ ക്ഷേത്രത്തിന് ശിലയിട്ടു. പറവൂർ ഈഴവസമാജം പ്രസിഡന്റ് എൻ.പി. ബോസ്, സെക്രട്ടറി എം.കെ. സജീവ് എന്നിവർ ചേർന്ന് ശിലാസ്ഥാപനം നിർവഹിച്ചു. കൊടുങ്ങല്ലൂർ സന്തോഷ് തന്ത്രി, ക്ഷേത്രം മേൽശാന്തി മൂത്തകുന്നം ജോഷി ശാന്തി എന്നിവർ മുഖ്യകാർമ്മികത്വം വഹിച്ചു. സമാജം ട്രഷറർ പി.ജെ. ജയകുമാർ, എസ്.എസ്. ജ്യോതി, ശിൽപി സജീഷ് തുടങ്ങിയവർ പങ്കെടുത്തു. ശിലാപൂജ, കലശാഭിഷേകം എന്നിവ നടന്നു.