കുറുപ്പംപടി: സംസ്ഥാന സർക്കാരിന്റെ ജനപക്ഷ ബദൽ നയങ്ങൾക്ക് കരുത്ത് നൽകുക, കേന്ദ്ര സർക്കാരിന്റെ ജന വിരുദ്ധ നയങ്ങൾക്കെതിരെ അണിനിരക്കുക, വർഗ്ഗീയതയെ ചെറുക്കുക, പി.എഫ്.ആർ.ഡി.എ നിയമം പിൻവലിക്കുക, പഴയ പെൻഷൻ പുനസ്ഥാപിക്കുക, ദേശീയ വിദ്യാഭ്യാസ നയം പിൻവലിക്കുക തുടങ്ങീ മുദ്രാവാക്യങ്ങൾ ഉയർത്തിക്കൊണ്ട് ആക്ഷൻ കൗൺസിൽ ഒഫ് സ്റ്റേറ്റ് എംപ്ലോയീസ് ആൻഡ് ടീച്ചേഴ്‌സും, അദ്ധ്യാപക സർവ്വീസ് സംഘടനാ സമരസമിതിയുടേയും നേത്യത്വത്തിൽ ജോയിന്റ് കൗൺസിൽ ജില്ലാ പ്രസിഡന്റ് വി.കെ. ജിൻസ് ക്യാപ്ടനും കെ.ജി.എൻ.എ സംസ്ഥാന കമ്മിറ്റിയംഗം സ്മിത ബക്കർ വൈസ് ക്യാപ്ടനും, കെ.എസ്.റ്റി.എ ജില്ലാ എക്സിക്യൂട്ടീവ് അംഗം എം.എ വേണു മാനേജരായും നടന്ന പെരുമ്പാവൂർ മേഖലയിലെ ഓടക്കാലി - രായമംഗലം - വെങ്ങോല കാൽനട ജാഥയുടെ രണ്ടാം ദിവസ പര്യടനം അറക്കപ്പടിയിൽ ആരംഭിച്ച് വൈകിട്ട് 5 ന് പാത്തിപ്പാലം കവലയിൽ സമാപിച്ചു. സമാപന സമ്മേളനം സി.പി.ഐ മണ്ഡലം സെക്രട്ടറി കെ.പി. റെജിമോൻ ഉദ്ഘാടനം ചെയ്തു. സമരസമിതിയുടേയും ആക്ഷൻ കൗൺസിലിന്റേയും നേതാക്കളായ പി.വി. സുനിജ , കെ.ആർ.സുധാകരൻ, കെ.എം. ശ്രീകുമാർ , പ്രതീഷ് ഗോപി എന്നിവർ വിവിധ സ്വീകരണ കേന്ദ്രങ്ങളിൽ സംസാരിച്ചു.