ആലുവ: എസ്.എൻ.ഡി.പി യോഗം എടയപ്പുറം ശാഖ വക കോലാട്ടുകാവ് ഭഗവതി ക്ഷേത്രത്തിലെ കുംഭഭരണി താലപ്പൊലി മഹോത്സവത്തിന് കൊടിയേറി. ക്ഷേത്രം തന്ത്രി പുരുഷൻ ആമ്പല്ലൂർ, മേൽശാന്തി ശ്രീജിത്ത് മോഹൻ എന്നിവരുടെ മുഖ്യകാർമ്മികത്വത്തിലാണ് കൊടിയേറിയത്.

കൊവിഡ് മാനദണ്ഡം പൂർണമായി പാലിച്ച് നിരവധി ഭക്തർ പങ്കെടുത്തു. ഇന്നലെ രാവിലെ നാരായണീയപാരായണം, വൈകിട്ട് കൊടി, കൊടിക്കയർ, ദേവിക്ക് സ്വർണ്ണ കിരീടം സമർപ്പണം എന്നിവ നടന്നു. നാളെ വൈകിട്ട് 6.30ന് ഗണപതിക്ക് അപ്പംമൂടൽ, തുടർന്ന് ദീപാരാധനക്ക് ശേഷം തിരിപിടുത്തം എന്നിവ നടക്കും. മഹോത്സവം 18നാണ് സമാപിക്കുന്നത്.