പറവൂർ: പ്രളയാന്തര പ്രവർത്തനങ്ങളുടെ ഭാഗമായി പുനർജനി പദ്ധതിയിൽ വീട് നഷ്ടപ്പെട്ട രണ്ടു കുടുംബൾക്ക് നിർമ്മിച്ചു നൽകിയ വീടിന്റെ താക്കോൽദാനം വി.ഡി. സതീശൻ എം.എൽ.എ നിർവഹിച്ചു.

കോട്ടുവള്ളി ചുള്ളിക്കാട് തങ്കമ്മ ജൂസ, ചേന്ദമംഗലം കുറ്റിക്കാട് മീനാക്ഷി രാഘവൻ എന്നിവരുടെ കുടുംബങ്ങൾക്ക് റോട്ടറി ക്ലബ് ഒഫ് കൊച്ചിന്റെ സാമ്പത്തിക സഹകരണത്തോടെയാണ് വീട് നിർമ്മിച്ചത്.റോട്ടറി ക്ലബ് ഒഫ് കൊച്ചിൻ സെൻട്രൽ ഹൗസിംഗ് പ്രോജക്ട് ചെയർമാൻ ബിജു ജോൺ, കെ. ശിവശങ്കരൻ, പി.എ. ഹരിദാസ്, ഷിനു പനയ്ക്കൽ തുടങ്ങിയവർ പങ്കെടുത്തു.