കോലഞ്ചേരി: യാക്കോബായ സഭ, ഒരു രാഷ്ട്രീയ മുന്നണിയോടും അയിത്തം കല്പിക്കേണ്ടതില്ലെന്ന് വർക്കിംഗ് കമ്മിറ്റി തീരുമാനം. സഭയെ സഹായിച്ചവരെ സഭ സഹായിക്കും. ഉചിതമായ രാഷ്ട്രീയ തീരുമാനം എടുക്കുന്നതിനായി വെള്ളിയാഴ്ച തിരുവനന്തപുരത്ത് മെത്രാപ്പോലീത്തൻ സമിതി, സഭാ വർക്കിംഗ് കമ്മി​റ്റി, മാനേജിംഗ് കമ്മ​റ്റി, സമരസമിതി എന്നിവയുടെ സംയുക്ത യോഗം വിളിച്ച് ചേർക്കും, സഭ നടത്തിക്കൊണ്ടിരിക്കുന്ന സമരപരിപാടികൾ തുടരാനും,അഖില മലങ്കര പള്ളി പ്രതിപുരുഷയോഗം വിളിച്ചു ചേർത്ത് സഭയുടെ ഭാവി പ്രവർത്തനം സംബന്ധിച്ച് നിലപാട് പ്രഖ്യാപിക്കുവാനും യോഗം തീരുമാനിച്ചു. മെത്രാപ്പോലീത്തൻ ട്രസ്​റ്റി ജോസഫ് മോർ ഗ്രീഗോറിയോസ് മെത്രാപ്പോലീത്തയുടെ അദ്ധ്യക്ഷതയിൽ ചേർന്ന യോഗത്തിൽ ഏലിയാസ് മോർ അത്താനാസിയോസ്, സ്ലീബാ പോൾ വട്ടവേലിൽ കോറെപ്പിസ്‌ കോപ്പ, സികെ. ഷാജി ചുണ്ടയിൽ, അഡ്വ. പീ​റ്റർ കെ.ഏലിയാസ്, മിഖായേൽ റമ്പാൻ,വികാരിമാരായ ദാനിയേൽ തട്ടാറ, എന്നിവർ സംബന്ധിച്ചു.