കുറുപ്പംപടി : വയോജനങ്ങൾക്ക് മൊബൈൽ പരി​ശോധനാ ക്ളി​നി​ക്ക് ആരംഭി​ക്കാനായി​ 15 ലക്ഷം രൂപ നീക്കി​വയ്ക്കുന്ന രായമംഗലം പഞ്ചായത്ത് ബഡ്ജറ്റ് വൈസ് പ്രസിഡന്റ് ദീപ ജോയി അവതരി​പ്പി​ച്ചു

കൃഷി ഉൾപ്പെടെ ഉൽപാദന മേഖലയ്ക്ക് 2.26കോടി രൂപയും സേവന മേഖലയ്ക്കായി 10.14 കോടി രൂപയും വകയി​രുത്തി​യി​ട്ടുണ്ട്.

പ്ലാസ്റ്റിക് ശേഖരണം, ബഡ്സ് സ്കൂളിൽ പാർക്ക് തുടങ്ങി​യവയ്ക്ക് പ്രത്യേകം തുക ചെലവഴിക്കും. വനിത തൊഴിൽ സംരംഭകർക്ക് മൂന്നു ലക്ഷം രൂപ വരെ ധനസഹായം ലഭിക്കും. റസിഡൻസ് അസോസിയേഷനുകളുടെ സഹകരണത്തോടെ പാതയോരങ്ങൾ സൗന്ദര്യവൽക്കരിക്കും.

ലൈഫ് പദ്ധതിക്കായി 80 ലക്ഷം രൂപ വകയിരുത്തി.

കുറുപ്പംപടി ടൗൺ​ വികസനത്തിനായി മാസ്റ്റർ പ്ലാൻ തയ്യാറാക്കും. കുറുപ്പുംപടി മാർക്കറ്റ് വിപുലീകരിക്കും.

പഞ്ചായത്ത് പ്രസിഡന്റ് എൻ.പി അജയകുമാർ അദ്ധ്യക്ഷത വഹി​ച്ചു.