ആലുവ: റൂറൽ ജില്ലയിൽ പുതുതായി രൂപീകരിച്ച സബ് ഡിവിഷനുകളുടേയും, ശിശു സൗഹൃദ പൊലീസ് സ്റ്റേഷന്റെയും ഉദ്ഘാടനം ഒൺലൈനിലൂടെ മുഖ്യമന്ത്രി പിണറായി വിജയൻ നിർവഹിച്ചു. മുനമ്പം, പുത്തൻകുരിശ് എന്നീവിടങ്ങളിലാണ് പുതിയ സബ്ഡിവിഷൻ ആരംഭിക്കുന്നത്. മുനമ്പം സബ്ഡിവിഷൻ ഓഫിസിൽ നടന്ന ചടങ്ങിൽ എസ്. ശർമ എം.എൽ.എ അദ്ധ്യക്ഷത വഹിച്ചു. ജില്ലാ പൊലീസ് മേധാവി കെ. കാർത്തിക്, പഞ്ചായത്ത് പ്രസിഡന്റ് രമണി അജയൻ, വാർഡ് മെമ്പർ വി.ജി. ശ്രീമോൻ, ഡി.വൈ.എസ്.പി ടി.എസ്. സിനോജ്, കെ.പി.ഒ.എ ജില്ലാ സെക്രട്ടറി ജെ. ഷാജിമോൻ, കെ.പി.എ ജില്ലാ സെക്രട്ടറി എം.എം. അജിത് കുമാർ, എസ്.എച്ച്.ഒ കെ.എസ്. സന്ദീപ് തുടങ്ങിയവർ പങ്കെടുത്തു.
പുത്തൻകുരിശ് സബ്ഡിവിഷൻ ഓഫീസിൽ നടന്ന ഉദ്ഘാടന ചടങ്ങിൽ വി.പി. സജീന്ദ്രൻ എം.എൽ.എ അദ്ധ്യക്ഷത വഹിച്ചു. അഡീഷണൽ എസ്.പി പി. വാഹിദ്, പഞ്ചായത്ത് പ്രസിഡന്റ് ടി.പി. വർഗീസ്, വാർഡ് മെമ്പർ കെ.സി. ഉണ്ണിമായ, ഡി.വൈ.എസ്.പി സി.ജി സനൽകുമാർ, എസ്.എച്ച്.ഒ സാജൻ സേവ്യർ, കെ.പി.ഒ ജില്ലാ വൈസ് പ്രസിഡന്റ് ബെന്നി കുര്യാക്കോസ്, കെ.പി.എ ജില്ലാ പ്രസിഡന്റ് ടി.കെ. ജയകുമാർ തുടങ്ങിയവർ സംബന്ധിച്ചു. അങ്കമാലി ശിശുസൗഹൃദ സ്റ്റേഷനിൽ നടന്ന ഉദ്ഘാടന ചടങ്ങിൽ റോജി എം. ജോൺ എം.എൽ.എ അദ്ധ്യക്ഷത വഹിച്ചു. നഗരസഭ ചെയർമാൻ റെജി മാത്യു, വാർഡ് കൗൺസിലർ ലില്ലി ജോയി, ഡിവൈ.എസ്.പി വി. രാജീവ്, എസ്.എച്ച്.ഒ സോണി മത്തായി, കെ.പി.ഒ .എ ജില്ലാ കമ്മിറ്റി അംഗം എ.എസ്. വർഗിസ്, കെ.പി.എ ജില്ലാ വൈസ് പ്രസിഡന്റ് ടി. ജയശങ്കർ തുടങ്ങിയവർ പ്രസംഗിച്ചു. എം.എൽ.എയുടെ ആസ്തി വികസന ഫണ്ടിൽ നിന്ന് 32 ലക്ഷത്തോളം രൂപ ചിലവിട്ടാണ് സ്‌റ്റേഷൻ കെട്ടിടം നിർമ്മിച്ചിട്ടുള്ളത്.