തൃക്കാക്കര : മി​നി​ട്ട്സി​ൽ തെറ്റായ കാര്യങ്ങൾ രേഖപ്പെടുത്തി​യെന്നാരോപി​ച്ച് ഇന്നലെ നഗരസഭാ കൗൺസിൽ യോഗം പ്രതി​പക്ഷ ബഹളത്തി​ൽ അലങ്കോലപ്പെട്ടു.

ചന്ദ്രബാബുവും, എം.ജെ ഡിക്സണുമാണ് വിഷയം ഉന്നയിച്ചത്. ചെയർപേഴ്സൺ​ ഇത് അവഗണി​ച്ചതോടെ പ്രതി​ഷേധം തുടങ്ങി​. ബഹളത്തി​നി​ടെ അജണ്ട പാസായതായി പ്രഖ്യാപിച്ച് ചെയർപേഴ്സൻ ഹാൾ വിടുകയായിരുന്നു.

ടാങ്കറി​ൽ കുടി​വെള്ള വി​തരണം

കുടിവെള്ള ക്ഷാമമുള്ളി​ടത്ത് സൗജന്യമായി​ വെള്ളമെത്തിക്കാനുള്ള കൗൺ​സി​ൽ തീരുമാനം അട്ടിമറിച്ചെന്ന് ആരോപിച്ചും പ്രതിപക്ഷം ശക്തമായി​ പ്രതി​ഷേധി​ച്ചു. ചന്ദ്രബാബു ,എം.ജെ ഡിക്സൺ,ജിജോ ചങ്ങംതറ,അജ്ജുന ഹാഷിം,സ്വതന്ത്ര കൗൺസിലർ പി.സി മനൂപ് ഉൾപ്പടെ പ്രതിപക്ഷ കൗൺസിലർമാർ മുൻസിപ്പൽ ചെയർപേഴ്സൻ അജിത തങ്കപ്പന്റെ ക്യാബിനിൽ കുത്തിയിരുന്ന് പ്രതിഷേധിച്ചു.

വൈസ് ചെയർമാൻ എ.എ ഇബ്രാഹിംകുട്ടി, ആരോഗ്യകാര്യ കമ്മറ്റി ചെയർമാൻ റാഷിദ് ഉള്ളംപിള്ളി തുടങ്ങിയവരുടെ നേതൃത്വത്തി​ൽ നടന്ന ചർച്ചയെ തുടർന്ന് മണിക്കൂറുകൾക്കകം ടാങ്കറിൽ കുടിവെള്ള വിതരണം ആരംഭിച്ചു.

ഇന്നുമുതൽ കൗൺസിലർമാർ ആവശ്യപ്പെടുന്ന വാർഡുകളിലേക്ക് നഗരസഭ സൗജന്യമായി കുടിവെള്ളം എത്തിക്കുമെന്ന് ചെയർപേഴ്സൺ​ ഉറപ്പ് നൽകി. ഒരുമാസം മുമ്പാണ് സൗജന്യമായി കുടിവെള്ളവി​തരണത്തി​ന് കൗൺ​സി​ൽ തീരുമാനിമെടുത്തത്. വാട്ടർ അതോറിട്ടിയുടെ കുടിവെളള സംഭരണിയിലെ തകരാറുകൊണ്ട് ജലവി​തരണം മുടങ്ങിയതോടെ മാവേലിപുരം,കൊല്ലംകുടിമുഗൾ,ടി.വി സെന്റർ,തെങ്ങോട്,തുതിയൂർ,അത്താണി തുടങ്ങിയ വാർഡുകളിൽ വിതരണം മുടങ്ങിയിരുന്നു.