തൃക്കാക്കര : ജില്ലാ ആസ്ഥാനമായ തൃക്കാക്കരയുടെ അടിസ്ഥാന വികസനം യാഥാർത്ഥ്യമാക്കുന്നതിന് ഊന്നൽ നൽകി നഗരസഭാ ബഡ്‌ജറ്റ്. സമഗ്ര വികസനത്തിലൂടെ നഗരത്തിന് പുതിയ മുഖച്ഛായ സമ്മാനിക്കുന്ന പദ്ധതികളാണ് ബഡ്‌ജറ്റിലുള്ളത്. 2020-2021വർഷത്തെ ബജറ്റ് വൈസ് ചെയർമാൻ എ എ ഇബ്രാഹിം കുട്ടി അവതരിപ്പിച്ചു. നഗരസഭ ചെയർപേഴ്സൻ അജിത തങ്കപ്പൻ അദ്ധ്യക്ഷത വഹിച്ചു.

പ്രധാന നിർദേശങ്ങൾ

 ഗതാഗത സൗകര്യം വർദ്ധിപ്പിക്കാൻ 18 കോടി
 മാലിന്യ സംസ്കരണം മൂന്ന് കോടി
 കാക്കനാട് ബസ് സ്റ്റാന്റ് ,എൻ.ജി.ഓ കോട്ടേഴ്സ് ഷോപ്പിംഗ് കോംപ്ലക്സ് 2.5കോടി
 കുടിവെള്ള പദ്ധതികൾക്കായി 2 കോടി
 ബയോഗ്യാസ് പ്ലാന്റിന് 40 ലക്ഷം രൂപ
 സുരക്ഷിത നടപ്പാതകൾ നിർമ്മിക്കാൻ 50 ലക്ഷം രൂപ
 പഴങ്ങാട്ടുചാൽ ടുറിസം പദ്ധതിക്കായി 50 ലക്ഷം
ദുരന്ത നിവാരണ ഫണ്ട് 90 ലക്ഷം
 എസ്.സി കോളനികളിൽ കുടിവെള്ള പദ്ധതികൾക്ക് ഒരുകോടി
 കാക്കനാട് മുൻസിപ്പൽ ഗ്രൗണ്ട് നവീകരണം 28 ലക്ഷം
 കാന നവീകരണം 6.5 കോടി
 വയോജന സൗഹൃദ പദ്ധതികൾക്ക് 10 ലക്ഷം

പുതിയ ബജറ്റിൽ പറഞ്ഞിട്ടുള്ള പദ്ധതികൾ സമയ ബന്ധിതായി പൂർത്തീകരിക്കാൻ ശ്രമിക്കുമെന്ന് വൈസ്.ചെയർമാൻ എ എ ഇബ്രാഹിംകുട്ടി പറഞ്ഞു.ബജറ്റിനെക്കുറിച്ചുള്ള ചർച്ച ഇന്ന് രാവിലെ 11 ന് നടക്കും