കോലഞ്ചേരി: എൽ.ഡി.എഫ് സർക്കാരിന്റെ പിൻവാതിൽ നിയമനങ്ങൾക്കെതിരേയും ഇന്ധന വില വർദ്ധനവിനെതിരേയും യൂത്ത് കോൺഗ്രസ് ഐരാപുരം മണ്ഡലം കമ്മി​റ്റിയുടെ ആഭിമുഖ്യത്തിൽ മണ്ണൂരിൽ പ്രതിഷേധ മാർച്ചും യോഗവും നടത്തി. ഡി.സി.സി ജനറൽ സെക്രട്ടറി എം.ടി. ജോയി ഉദ്ഘാടനം ചെയ്തു. മണ്ഡലം പ്രസിഡന്റ് ജോബിൻ കുന്നത്ത് അദ്ധ്യക്ഷനായി. കെ.വി. എൽദോ, പി.എച്ച്. അനൂപ്, ധന്യ ജയശേഖർ തുടങ്ങിയവർ സംസാരിച്ചു.