കളമശേരി: സംസ്ഥാന ബഡ്ജറ്റി​ൽ പ്രഖ്യാപി​ച്ച സ്കൂൾ ഒഫ് ഫൊറൻസി​ക് സയൻസ് ഉൾപ്പടെ പത്ത് കോഴ്സുകൾക്കും രണ്ട് സെന്ററുകൾക്കും തുക വകയി​രുത്തി​ കുസാറ്റ് ബഡ്ജറ്റ്.

ഗവേഷണ പ്രവർത്തനങ്ങൾക്ക് മുൻതൂക്കം നൽകുന്ന ബഡ്ജറ്റി​ൽ പുതിയ രണ്ട് സെന്ററുകൾ അടുത്ത സാമ്പത്തിക വർഷം തന്നെ ആരംഭിക്കുമെന്ന് പ്രഖ്യാപി​ച്ചി​ട്ടുണ്ട്.

വൈസ്ചാൻസലർ ഡോ. കെ. എൻ മധുസൂദനന്റെ അദ്ധ്യക്ഷതയിൽ ചേർന്ന സിൻഡിക്കേറ്റിന്റെ ബഡ്ജറ്റ് സമ്മേളനത്തിലാണ് ഈ തീരുമാനം. ഫിനാൻസ് ആൻഡ് പർച്ചേസ് സ്റ്റാൻഡിംഗ് കമ്മിറ്റി കൺവീനർ ഡോ. ആർ. ശശിധരൻ അവതരിപ്പിച്ച ബഡ്ജറ്റി​ൽ 312 കോടി രൂപ വരവും 372 കോടി രൂപ ചിലവും പ്രതീക്ഷിക്കുന്നു.

ഹെൽത്ത് സെന്റർ നവീകരണം, 1.3 കോടി രൂപയുടെ പോസ്റ്റ് ഡോക്ടറൽ ഫെലോഷിപ്പ്, 40 ലക്ഷം രൂപയുടെ സീഡ് മണി ന്യൂ ഇൻഷിയേറ്റീവ്, 35 ലക്ഷം രൂപയുടെ സേഫ്റ്റി​ ഓഡിറ്റ്, എനർജി ഓഡിറ്റ് ഗ്രീൻ പ്രോട്ടോകോൾ തുടങ്ങിയവയ്ക്ക് പുറമെ മാലിന്യ സംസ്‌കരണം, മഴവെള്ള സംഭരണം എന്നിവയ്ക്കായി 20 ലക്ഷം രൂപയുടെ പദ്ധതിയും ബഡ്ജറ്റിൽ ഇടം പിടിച്ചിട്ടുണ്ട്. ഗവേഷണത്തിനും ഫെലോഷിപ്പിനുമുള്ള തുക 2 കോടിയാക്കി വർദ്ധിപ്പിച്ചു.