കൊച്ചി: കേരള വനിതാ കമ്മിഷന്റെ എറണാകുളം ജില്ലയിലെ മെഗാ അദാലത്ത് 24, 25 തിയതികളിൽ നടക്കും. എറണാകുളം ചിറ്റൂർ റോഡിലെ വൈ.എം.സി.എ ഹാളിൽ 24ന് രാവിലെ 10.30 മുതൽ ആരംഭിക്കും. കൊവിഡ് മാനദണ്ഡങ്ങൾ പാലിച്ചായിരിക്കും അദാലത്ത് നടത്തുക. പരാതിക്കാരെയും എതിർകക്ഷികളെയും മാത്രമേ അദാലത്ത് നടക്കുന്ന ഹാളിൽ പ്രവേശിപ്പിക്കുകയുള്ളൂ. കുട്ടികളെയും പ്രത്യേകിച്ച്, പത്ത് വയസിനു താഴെയുള്ളവർ, മുതിർന്ന പൗരന്മാർ, രോഗമുള്ളവർ എന്നിവരെ കൊണ്ടുവരുന്നത് കഴിയുന്നതും ഒഴിവാക്കണം. അദാലത്തിനെത്തുന്നവർ നിർബന്ധമായും മാസ്‌ക് ധരിക്കണമെന്ന് അധികൃതർ അറിയിച്ചു.