കൊച്ചി: പെഡൽ ഫോഴ്സ് കൊച്ചിയുടെ പുതിയ സംരംഭമായ കാണാക്കാഴ്ചകളിലേക്കൊരു സൈക്കിൾ യാത്ര വൈറ്റില ജംഗ്ഷനിലെ മീശക്കാരൻ ചായക്കടയിൽ നിന്ന് കടയുടമ മീശക്കാരൻ കണ്ണൻ ഫ്ലാഗ് ഒഫ് ചെയ്തു. കാണാത്ത കാഴ്ച്ചകൾ കാണാൻ കൂടുതൽ നല്ലത് പ്രക്യതി സംരക്ഷണ വാഹനമായ സൈക്കിളാണ് എന്നതാണ് 200 കിലോമീറ്റർ സേവ് പ്ലാനറ്റ് സൈക്കിൾ യാത്രയുടെ സന്ദേശം. പി.എഫ്.കെ ഫൗണ്ടർ ജോബി രാജു സുഹൃത്തുക്കളായ സന്തോഷ് ജോസഫ്, പോൾ ടോം, നാരായണകുമാർ, മീനാക്ഷി, സനൽ, ഫാരിസ് മുഹമ്മദ്, ചൈതന്യൻ, വർഗീസ്, വിഷ്ണു എന്നിവരടങ്ങിയ 10 അംഗസംഘമാണ് രണ്ടു ദിവസം കൊണ്ട് ചെറായി ബീച്ച്, മലയാറ്റൂർ, ഇരിങ്ങോൾ കാവ്, കല്ലിൽ ഗുഹാക്ഷേത്ര പ്രദേശങ്ങളിലെ കാഴ്ചകൾ ഒപ്പിയെടുക്കാൻ സൈക്കിളിൽ സഞ്ചരിക്കുന്നത്.