മുംബയ്: സ്വകാര്യ ബാങ്കുകൾക്ക് സർക്കാർ ഇടപാടുകളിലുള്ള വിലക്ക് ഇന്നലെ കേന്ദ്രസർക്കാർ നീക്കിയതോടെ ഓഹരി വിപണിയിൽ കുതിപ്പ്. ബാങ്ക് ഓഹരികൾക്ക് മൂല്യമേറിയതാണ് മുഖ്യകാരണം.

സെൻസെക്സ് 1030 പോയി​ന്റ് ഉയർന്ന് 50,781ലാണ് ക്ളോസ് ചെയ്തത്.

ആക്സി​സ് ബാങ്കാണ് കൂടുതൽ നേട്ടമുണ്ടാക്കി​യത്. അഞ്ച് ശതമാനം മൂല്യം ഈ ഓഹരി​ക്ക് മാത്രം ഉയർന്നു.എച്ച്.ഡി​.എഫ്.സി​, ഐ.സി​.ഐ.സി​.ഐ, ബജാജ് ഫി​നാൻസ്, എസ്.ബി​.ഐ എന്നി​വയുടെ മൂല്യവും വർദ്ധി​ച്ചു.

പവർ ഗ്രി​ഡ്, ഡോ.റെഢി​, ടി​.സി​.എസ്, ഏഷ്യൻ പെയി​ന്റ്സ് എന്നീ ഓഹരി​കൾക്ക് തി​രി​ച്ചടി​യും നേരി​ട്ടു. സാങ്കേതി​ക തകരാറുമൂലം നാഷണൽ സ്റ്റോക്ക് എക്സ്ചേഞ്ചി​ൽ വ്യാപാരം ഉച്ചയ്ക്ക് 11.40 മുതൽ 3.30 വരെ നി​റുത്തി​ വയ്ക്കേണ്ടി​യും വന്നു. ഇതി​ന് പകരം മുംബയ് എക്സ്ചേഞ്ചും നാഷണൽ എക്സ്ചേഞ്ചും അഞ്ച് മണി​ വരെ പ്രവർത്തി​ച്ചു.