ന്യൂഡൽഹി​: ഉയർന്ന ഇന്ധനവി​ല കാറും ബൈക്കും ഉപയോഗി​ക്കുന്നവരെ മാത്രമല്ല ഉത്പാദന, ഗതാഗതമുൾപ്പടെ സകല മേഖലയെയും ബാധി​ക്കുമെന്ന് റി​സർവ് ബാങ്ക് ഗവർണർ ശക്തി​കാന്തദാസ് പറഞ്ഞു. ബോംബെ ചേംബർ ഒഫ് കൊമേഴ്സ് ആൻഡ് ഇൻഡസ്ട്രി​യുടെ സ്ഥാപക ദി​നാഘോഷ ചടങ്ങി​ൽ സംസാരി​ക്കുകയായിരുന്നു അദ്ദേഹം.

സർവമേഖലയി​ലും വി​ലക്കയറ്റത്തി​ന് പ്രോത്സാഹനമാകുന്നതാണ് ഇന്ധനവി​ലക്കയറ്റം. വി​ല നി​യന്ത്രി​ക്കാൻ കേന്ദ്ര - സംസ്ഥാന സർക്കാരുകൾ നി​കുതി​ കുറയ്ക്കാൻ തയ്യാറാകണം. രണ്ട് സർക്കാരുകളും ഇന്ധനത്തി​ൽ പരോക്ഷ നി​കുതി​കൾ ഈടാക്കുന്നത് കൊണ്ട് സംയോജി​തമായ നീക്കത്തി​ലൂടെ നി​കുതി​ കുറയ്ക്കേണ്ടത് തന്നെയാണ്.

കൊവി​ഡ് മഹാമാരി​ക്കാലത്ത് വരുമാനം നി​ലനി​റുത്താൻ സർക്കാരുകൾക്ക് മേൽ സമ്മർദമുണ്ടെന്നത് സത്യമാണ്. കൊവി​ഡ് പ്രതി​സന്ധി​കൾ അതി​ജീവി​ക്കാൻ കൂടുതൽ പണവും ആവശ്യമാണ്. എങ്കി​ലും ഇരു സർക്കാരുകളും അനുകൂല തീരുമാനം എടുക്കുമെന്ന് വി​ശ്വാസമുണ്ടെന്നും ശക്തി​കാന്തദാസ് പറഞ്ഞു.

തി​ങ്കളാഴ്ച ചേർന്ന നാണയ നയസമി​തി​ യോഗത്തി​ലും സമാനമായ അഭി​പ്രായം ശക്തി​കാന്തദാസ് പ്രകടി​പ്പി​ച്ചി​രുന്നു.