മൂവാറ്റുപുഴ: ജനകീയാസൂത്രണത്തിന്റെ 25-ാം വാർഷികത്തിൽ ജനകീയാസൂത്രണത്തെ മുൻനിർത്തി ജനകീയ വികസന വിജ്ഞാനോത്സവം സംഘടിപ്പിക്കുന്ന സ്റ്റേറ്റ് ലൈബ്രറി കൗൺസിൽ വലിയൊരു ചരിത്ര ദൗത്യമാണ് ഏറ്റെടുക്കുന്നതെന്ന് കേരള ബാങ്ക് പ്രസിഡന്റ് ഗോപി കോട്ടമുറിക്കൽ പറഞ്ഞു. താലൂക്ക് ലൈബ്രറി കൗൺസിൽ കുമാരനാശാൻ പബ്ലിക് ലൈബ്രറിയുടെ സഹകരണത്തോടെ സംഘടിപ്പിച്ച മൂവാറ്റുപുഴ താലൂക്ക് തല ജനകീയ വികസന വിജ്ഞാനോത്സവം എസ്.എൻ.ഡി.പി ഹൈസ്കൂൾ ഓഡിറ്റോറിയത്തിൽ ഉദ്ഘാടനം ചെയ്ത് സംസാരിക്കുകയായിരുന്നു അദേഹം . വാർഡ് കൗൺസിലർ ജിനു ആന്റണി മുഖ്യപ്രഭാഷണം നടത്തി. താലൂക്ക് ലൈബ്രറി കൗൺസിൽ പ്രസിഡന്റ് ജോഷിസ്കറിയ അദ്ധ്യക്ഷത വഹിച്ചു. ജില്ലാ ലൈബ്രറികൗൺസിൽ സെക്രട്ടറി എം.ആർ. സുരേന്ദ്രൻ ജനകീയ ആസൂത്രണത്തിന്റെ ചരിത്ര വഴികൾ എന്ന വിഷയത്തിൽ പ്രഭാഷണം നടത്തി. താലൂക്ക് ലൈബ്രറി കൗൺസിൽ സെക്രട്ടറി സി.കെ.ഉണ്ണി, സംസ്ഥാന ലൈബ്രറി കൗൺസിൽ മെമ്പർ ജോസ് കരിമ്പന, ജില്ല ജോയിന്റ് സെക്രട്ടറി കെ.പി.രാമചന്ദ്രൻ, താലൂക്ക് ലൈബ്രറി കൗൺസിൽ ജോയിന്റ് സെക്രട്ടറി പി..കെ വിജയൻ , താലൂക്ക് എക്സിക്യൂട്ടീവ് മെമ്പർ സിന്ധു ഉല്ലാസ്, കുമാരനാശാൻ ലൈബ്രറി സെക്രട്ടറി രജീഷ് ഗോപിനാഥ് എന്നിവർ സംസാരിച്ചു. ക്വസ്, മോണോആക്ട്, സ്കിറ്റ് അവതരണം എന്നീ മത്സരങ്ങൾ സംഘടിപ്പിച്ചു.സമാപന സമ്മളനം മൂവാറ്റുപുഴ ബ്ലോക്ക് പ‌ഞ്ചായത്ത് പ്രസിഡന്റ് പ്രൊഫ. ജോസ് അഗസ്റ്റ്യൻ ഉദ്ഘാടനം ചെയ്തു. സംഘാടക സമതി ചെയർമാൻ കെ.എൻ. മോഹനൻ അദ്ധ്യക്ഷത വഹിച്ചു. നഗരസഭ കൗൺസിലർ ആർ.രാഗേഷ് എന്നിവർ സമ്മാന ദാനം നിർവഹിച്ചു.