കൊച്ചി: ജീവിത ശൈലി ക്രമപ്പെടുത്തുന്നതിലൂടെ പരിസ്ഥിതി സംരക്ഷണം ഉറപ്പാക്കുക എന്നത് കാലഘട്ടത്തിന്റെ നിയോഗമായി ഓരോ മനുഷ്യനും ഏറ്റെടുക്കണമെന്ന് എറണാകുളം-അങ്കമാലി അതിരൂപതാ മെത്രാപ്പോലീത്ത വികാരി ആർച്ച് ബിഷപ്പ് ആന്റണി കരിയിൽ പറഞ്ഞു. അതിരൂപതാ സാമൂഹ്യ പ്രവർത്തന വിഭാഗമായ സഹൃദയ, പരിസ്ഥിതി സംരക്ഷണാർത്ഥം സംഘടിപ്പിക്കുന്ന ജീവിത ശൈലി ക്രമീകരണ പദ്ധതിയായ കാർബൺ ഫാസ്റ്റിംഗ് കാമ്പയിന്റെ ഭാഗമായി നടത്തിയ സൈക്കിൾ റാലിയുടെ സമാപന സമ്മേളനത്തിൽ സംസാരിക്കുകയായിരുന്നു അദ്ദേഹം. യോഗം ഹൈബി ഈഡൻ എം.പി. ഉദ്ഘാടനം ചെയ്തു. ബസിലിക്ക വികാരി ഫാ.ഡേവിസ് മാടവന, സഹൃദയ ഡയറക്ടർ ഫാ.ജോസ് കൊളുത്തുവെള്ളിൽ, അസി.ഡയറക്ടർ ഫാ.ജിനോ ഭരണികുളങ്ങര, റിട്ട. ജസ്റ്റിസ് വേണു കരുണാകരൻ, റാലി ക്യാപ്റ്റൻ റിജോ, ലാൽ കുരിശിങ്കൽ എന്നിവർ സംസാരിച്ചു.