ഇടുക്കി: വിവിധ ഗാർഹിക തൊഴിൽ മേഖലയിലെ വിദഗ്ദ്ധരായവരുടെ സേവനം പൊതുജനങ്ങൾക്ക് എളുപ്പത്തിൽ ലഭ്യമാക്കുക എന്ന ലക്ഷ്യത്തോടെ വ്യവസായിക പരിശീലന വകുപ്പ്, കെഎഎസ്ഇ, തദ്ദേശ സ്വയം ഭരണ വകുപ്പ്, കുടുംബശ്രീ, എംപ്ലോയ്‌മെന്റ് വകുപ്പ് എന്നിവയുടെ സഹകരണത്തോടെ കേരള സ്‌കിൽ രജിസ്ട്രി എന്ന മൊബൈൽ ആപ്ലിക്കേഷൻ പുറത്തിറക്കി. പ്‌ളംബർ, ഇലക്ട്രീഷൻ, പെയിന്റർ, ഡ്രൈവർ എന്നിങ്ങനെ 42 സേവന മേഖലകളിലുളള വിദഗ്ദ്ധ തൊഴിലാളികൾക്കും അവരുടെ സേവനം ആവശ്യമുളളവർക്കും മൊബൈൽ ആപ് സേവനം ഉപയോഗപ്പെടുത്താൻ സാധിക്കും. പ്‌ളേസ്റ്റോറിൽ നിന്നും കേരള സ്‌കിൽ രജിസ്ട്രി ആപ് ഡൗൺ ലോഡ് ചെയ്ത ശേഷം തൊഴിൽ വൈദഗ്ധ്യമുളളവർ സർവ്വീസ് പ്രൊവൈഡർ ആയും ഇവരുടെ സേവനം ആവശ്യമുളളവർ കസ്റ്റമർ ആയുമാണ് രജിസ്റ്റർ ചെയ്യേണ്ടത്. രജിസ്‌ട്രേഷൻ സൗജന്യമാണ്. വിശദ വിവരങ്ങൾക്ക് സമീപത്തുളള ഗവ. ഐടിഐകളുമായി ബന്ധപ്പെടാം. ഫോൺ: 04868 272216, 9496357585, 9496181642