തൊടുപുഴ: ശുചീകരണ തൊഴിലാളികളുടെ ശമ്പളവും പെൻഷനും പരിഷ്‌കരിക്കുക, പകരം ജീവനക്കാരെ സ്ഥിരപ്പെടുത്തുക, ജോലിഭാരം കുറയ്ക്കുക, നല്ലയിനം യൂണിഫോം തൊഴിലാളികൾക്ക് വിതരണം ചെയ്യുക, തൊഴിലാളികളോടുള്ള അവഗണന അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ടാണ് തൊടുപുഴ മുൻസിപ്പൽ വർക്കേഴ്സ്

യൂണിയന്റെ (എ.ഐ.ടി.യു.സി) നേതൃത്വത്തിൽ തൊടുപുഴ മുൻസിപ്പൽ ആഫീസിനു മുമ്പിൽ കൂട്ടധർണ നടത്തിയത്. കെ.ടി. ബിജു അദ്ധ്യക്ഷത വഹിച്ച സമരം യൂണിയൻ ജനറൽ സെക്രട്ടറി കെ. സലിംകുമാർ ഉദ്ഘാടനം ചെയ്തു. കൗൺസിലർ മുഹമ്മദ് അഫ്സൽ, കെ.ആർ. ദേവദാസ്, കെ.പി.
സുകു, റെജിമോൾ, പ്രേമകുമാരി, ലീല തിലോത്തമ എന്നിവർ സംസാരിച്ചു.